రికార్డ్ స్థాయిలో ‘సర్దార్ గబ్బర్ సింగ్’ రైట్స్

Posted: 02/23/2016 04:31 PM IST

Sardaar gabbar singh overseas rights sold out

పవర్ స్టార్ పవన్ కళ్యాణ్ హీరోగా నటిస్తున్న ‘సర్దార్ గబ్బర్ సింగ్’ చిత్రం ఓవర్సీస్ లో బిజినెస్ పరంగా ఇప్పటికే రికార్డ్ రేంజులో అమ్ముడుపోయిందని వార్తలొస్తున్న విషయం తెలిసిందే. అయితే తాజా సమాచారం ప్రకారం ‘సర్దార్ గబ్బర్ సింగ్’ ఓవర్సీస్ బిజినెస్ హక్కులను ఈరోస్ సంస్థ దాదాపు 10 కోట్లు చెల్లించి సొంతం చేసుకున్నారని తెలుస్తోంది.

ఇప్పటివరకూ ఓవర్సీస్ లో ఏ స్టార్ హీరో చిత్రానికి కూడా ఇంత రేటు పలకలేదు. సినిమాపై భారీ అంచనాలు నెలకొనడం ‘సర్దార్ గబ్బర్ సింగ్’పై రోజురోజుకి రేంజ్ పెరిగిపోతుంది. విడుదల సమయం దగ్గరపడుతుండటంతో బిజినెస్ ఊపందుకుంది. దీంతో డిస్ట్రిబ్యూటర్ ఈ సినిమా డిస్ట్రిబ్యూషన్ హక్కుల కోసం పెద్ద పెద్ద అమౌంట్ ఆఫర్లతో నిర్మాతను కలుస్తున్నారు.

అయితే ఈ సినిమా డిస్ట్రిబ్యూటర్స్ కు చిత్ర నిర్మాతలు ఓ కండీషన్ పెట్టినట్లుగా తెలుస్తోంది. అదేంటంటే... డిస్ట్రిబ్యూటర్స్ కు చేసే అగ్రిమెంట్స్ లో ‘నో రిఫెండ్’ అనే కండీషన్ పెట్టారని సమాచారం. ఈ కండీషన్ వల్ల.. సినిమాకు ఏమైనా లాస్ వస్తే నిర్మాతలు ఒక్క రూపాయి కూడా డిస్ట్రిబ్యూటర్స్ కు వెనక్కి ఇవ్వాల్సిన అవసరం లేదు. సినిమా విజయం సాధిస్తుందనే నమ్మకంతో ఇలాంటి కండీషన్ పెట్టారని సమాచారం.

పవర్’ ఫేం బాబీ దర్శకత్వంలో నార్త్ స్టార్ ఎంటర్ టైన్మెంట్స్ ప్రై.లిమిటెడ్ బ్యానర్, పవన్ కళ్యాణ్ క్రియేటివ్ వర్క్స్ బ్యానర్లపై నిర్మాత శరత్ మరార్ నిర్మిస్తున్నారు. హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ సినిమాలో పవన్ సరసన కాజల్ హీరోయిన్ గా నటిస్తుంది. అలాగే రాయ్ లక్ష్మీ ఓ కీలక పాత్రలో నటిస్తోంది.

భారీ అంచనాలతో తెరకెక్కుతున్న ఈ చిత్రాన్ని ఏప్రిల్ 8న విడుదల చేయబోతున్నట్లుగా ఇప్పటికే అధికారికంగా ప్రకటించేసారు. ఇప్పటికే విడుదలైన ఫస్ట్ లుక్ టీజర్లకు భారీ రెస్పాన్స్ వచ్చింది. ఈ చిత్ర ఆడియో విడుదల కోసం అభిమానులు ఎంతో ఆతృతగా ఎదురుచూస్తున్నారు. రాక్ స్టార్ దేవిశ్రీప్రసాద్ సంగీతం అందిస్తున్నాడు.