మెగాస్టార్ ‘కత్తి’ రీమేక్ కు కోట్లల్లో రెమ్యునరేషన్

Posted: 01/04/2016 01:16 PM IST

Megastar chiranjeevi 150th film remuneration details

మెగాస్టార్ చిరంజీవి చేయబోయే 150వ సినిమా గురించి రోజుకో వార్త హాట్ టాపిక్ గా మారుతోంది. గతకొద్ది రోజులుగా సరైన కథ దొరకలేదంటూ 150వ సినిమాను వాయిదా వేస్తూ వచ్చారు. కానీ తాజాగా తమిళంలో ఘన విజయం సాధించిన ‘కత్తి’ చిత్రాన్ని తెలుగులో రీమేక్ చేయబోతున్నారు. ఈ రీమేక్ లోనే చిరంజీవి హీరోగా నటించనున్నారని రాంచరణ్ అధికారికంగా ప్రకటించారు.

అయితే ఈ వార్త విని మెగా అభిమానులు కాస్త నిరాశకు గురయ్యారు. ఇలాంటి రీమేక్ సినిమా అయితే ఇప్పటికే ప్రారంభించేసి వుంటే బాగుండేదంటూ కాస్త నిరాశ చెందారు. కొత్త కథ కావాలంటూ ఇంతకాలం ఎదురుచూసినా చిరంజీవి.. చివరకు తమిళ రీమేక్ పై పడటంతో మెగా అభిమానులు తీవ్ర నిరాశ చెందినప్పటికీ.. మొత్తానికి 150వ సినిమా స్టార్ అవ్వబోతుందనే వార్తతో మెగా అభిమానులు సంతోషం వ్యక్తం చేస్తున్నారు.

ఈ సినిమాను లైకా సంస్థ భారీ బడ్జెట్ తో నిర్మించనున్నారు. లైకా సంస్థ వారు ఈ సినిమా కోసం మెగాస్టార్ చిరంజీవికి అక్షరాల 30 కోట్ల రెమ్యునరేషన్ ను ఇవ్వనున్నారని, అందులో సగం 15 కోట్ల అడ్వాన్స్ ను ఇప్పటికే చిరంజీవికి అందజేసిన వార్త ప్రస్తుతం టాలీవుడ్ లో హాట్ టాపిక్ గా మారింది. ఒకవేళ ఇదే నిజమైతే టాలీవుడ్ హీరోల్లో అత్యధిక మొత్తంలో రెమ్యునరేషన్ తీసుకుంటున్న హీరో చిరంజీవే అవుతారు. మరి ఇందులో ఎంత నిజముందో త్వరలోనే తెలియనుంది.

ప్రస్తుతం ఈ రీమేక్ ప్రాజెక్టుకు సంబంధించిన ప్రీ ప్రొడక్షన్ కార్యక్రమాలు శరవేగంగా జరుగుతున్నాయి. ఈ చిత్రానికి వి.వి.వినాయక్ దర్శకత్వం వహించనున్నారు. త్వరలోనే ఈ ప్రాజెక్ట్ సెట్స్ పైకి వెళ్లనుంది. ఇందులో నటించబోయే నటీనటులు, సాంకేతికవర్గ నిపుణుల వివరాలు త్వరలోనే అధికారికంగా ప్రకటించనున్నారు.