అనుష్కకు కాబోయే భర్త ఎవరో తెలిసిపోయిందోచ్!

Posted: 09/21/2015 01:56 PM IST

ఎట్టకేలకు ముద్దుగుమ్మ అనుష్కకు కాబోయే భర్త ఎవరో తెలిసిపోయింది. ప్రస్తుతం ఇండస్ట్రీలో ఈ విషయంపైనే చర్చించుకుంటున్నారు. విభిన్న పాత్రల్లో నటిస్తూ దూసుకుపోతున్న ఈ అమ్మడికి జోడిగా ఆమె తరహాలోనే నటించే ఓ యువనటుడు తోడు కాబోతున్నాడని సమాచారం. అతను మరెవ్వరో కాదు.. ‘బాహుబలి’ చిత్రంలో భద్రగా నటించిన అడివి శేష్. అయితే.. ఇది రియల్ లైఫ్ లో కాదులెండి.. రీల్ లైఫ్ లో!

అసలు విషయం ఏమిటంటే.. ప్రస్తుతం ‘జీరో సైజ్’ సినిమా షూటింగ్ ఫుల్ బిజీగా వున్న అనుష్క ‘ఊపిరి’ చిత్రంలోనూ ఓ కీలకపాత్రలో నటిస్తోంది. అక్కినేని నాగార్జున, కార్తి ప్రధాన పాత్రల్లో నటిస్తున్న ఈ సినిమాలో అనుష్క నాగ్ కి లవర్ గా నటించనుంది. ఈ చిత్రంలో వారిద్దరి ప్రేమ ఫలిస్తుందో లేదో తెలీదు కానీ.. ఈ సినిమాలోనే అనుష్క భర్తగా అడివి శేష్ నటిస్తున్నట్టు సమాచారం. ‘బాహుబలి’ సినిమాలో భల్లాలదేవ (దగ్గుబాటి రానా) తనయుడు భద్ర పాత్రలో నటించిన శేష్.. తాజాగా ‘ఊపిరి’లో అనుష్క సరసన నటించే అవకాశాన్ని దక్కించుకున్నాడు. అయితే.. ఈ విషయం ఇంకా అధికారికంగా వెలువడి కావాల్సి వుంది. ఈ సినిమాలో తమన్నా హీరోయిన్ గా నటిస్తున్న విషయం తెలిసిందే!

ఇదిలావుండగా.. అనుష్క ప్రధానపాత్రలో రూపొందుతున్న ‘సైజ్ జీరో’ సినిమాలోనూ నాగార్జున ఓ కీలకపాత్రలో నటిస్తున్నట్లు ప్రచారం జరుగుతోంది. అయితే.. నాగ్ నటించబోయే ఆ పాత్ర వివరాలు ఇంకా తెలియరాలేదు. ఈ చిత్రంలో అనుష్క సరసన ఆర్య నటిస్తున్న విషయం విదితమే!