బాలయ్య డిక్టేటర్ సంక్రాంతికే రానుందా?

Posted: 08/17/2015 11:36 AM IST

‘లయన్’ తర్వాత నందమూరి బాలకృష్ణ హీరోగా నటిస్తున్న తాజా చిత్రం ‘డిక్టేటర్’. ప్రముఖ దర్శకుడు శ్రీవాస్ దర్శకత్వంలో రూపొందుతున్న ఈ చిత్రాన్ని బాలీవుడ్ భారీ బడ్జెట్ చిత్రాల నిర్మాణ సంస్థ ఈరోస్ ఇంటర్నేషనల్ ప్రతిష్టాత్మకంగా నిర్మిస్తుంది. కథ-స్క్రీన్ ప్లే: కోన వెంకట్, గోపీ మోహన్ లు అందిస్తున్నారు. అంజలి హీరోయిన్. సినిమాటోగ్రఫీ: శ్యామ్ కె. నాయుడు, సంగీతం: థమన్ అందిస్తున్నారు.

‘సింహా’, ‘లెజెండ్’, ‘లయన్’ వంటి వరుస హిట్ చిత్రాల తర్వాత నందమూరి బాలకృష్ణ నటిస్తున్న 99వ చిత్రం ‘డిక్టేటర్’. ప్రముఖ దర్శకుడు శ్రీవాస్ దర్శకత్వంలో తెరకెక్కుతున్న ఈ చిత్రాన్ని ప్రముఖ బాలీవుడ్ నిర్మాణ సంస్థ ఈరోస్ ఇంటర్నేషనల్ బ్యానర్ మరియు వేదాశ్వ క్రియేషన్స్ సంస్థ సంయుక్తంగా నిర్మిస్తున్నాయి.

ఇటీవలే షూటింగ్ ప్రారంభయ్యింది. ప్రస్తుతం ఈ చిత్ర షూటింగ్ శరవేగంగా జరుగుతోంది. అయితే తాజాగా ఈ చిత్ర విడుదల తేదిని చిత్ర యూనిట్ ఫిక్స్ చేసినట్లుగా తెలిసింది. ఈ చిత్రాన్ని 2016 సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే అధికారికంగా ప్రకటించనున్నారు.

బాలయ్య సరసన అంజలి, సోనాల్ చౌహాన్ హీరోయిన్లుగా నటిస్తున్నారు. తొలిసారిగా బాలయ్య చిత్రానికి థమన్ సంగీతం అందిస్తున్నాడు. కథ, స్ర్కీన్ ప్లే ను ప్రముఖ రచయితలు కోన వెంకట్, గోపి మోహన్ లు అందిస్తున్నారు. రచన: శ్రీధర్ సీపాన, మాటలు: ఎం.రత్నం అందిస్తున్నారు.