వీరిద్దరి మధ్య ఏదో వుందట.. ఏముందో మరి!

Posted: 06/24/2015 12:41 PM IST

హీరోహీరోయిన్లు ఏ ఒక్క సినిమా సమయంలో క్లోజ్ గా వున్నా, బయట క్లోజ్ గా తిరిగినా కూడా వారి మధ్య ఏదో వుందంటూ పుకార్లు వస్తాయనే విషయం తెలిసిందే. కోలీవుడ్ లోని హీరోయిన్లకు నచ్చే నటుడు ఆర్య. తన ఎంటర్ టైన్మెంట్ తో అందరినీ ఆకట్టుకుంటూ వుంటాడు. ఇలా ప్రతి హీరోయిన్ తో కలిపి ఆర్యపై రుమార్లు వస్తుండటంతో వాటిని తేలికగా తీసుకున్నాడు.

అయితే తాజాగా అదే జాబితాలోకి అనుష్క వచ్చి చేరింది. అనుష్క, ఆర్య కలిసి ఇదివరకే ‘వర్ణ’ అనే చిత్రంలో నటించిన విషయం తెలిసిందే. భారీ బడ్జెట్ తో నిర్మించిన ఈ చిత్రంపై భారీ అంచనాలే ఏర్పడ్డాయి. దీంతో అనుకున్న స్థాయిలో సినిమా లేకపోవడం భారీగా అట్టర్ ఫ్లాప్ అయ్యింది. అయితే వీరిద్దరూ మరోసారి కలిసి నటిస్తున్నారు.

అనుష్క ప్రధాన పాత్రలో నటిస్తున్న తాజా చిత్రం ‘సైజ్ జీరో’. తెలుగు, తమిళ భాషలలో ఏకకాలంలో తెరకెక్కుతున్న ఈ చిత్రంలో అనుష్క రెండు విభిన్న పాత్రలలో నటిస్తుంది. అలాగే ఇందులో ఆర్య ఓ ముఖ్య పాత్రలో నటిస్తున్నాడు. వీరిద్దరూ కలిసి మళ్లీ ఈ సినిమాలో నటిస్తుండటం వల్ల.. మళ్లీ వీరిద్దరిపై కోలీవుడ్ లో పుకార్లు మొదలయ్యాయి. వీరిద్దరి మధ్య ఏదో వుందంటూ కోలీవుడ్ జనాలు గుసగుసలాడుతున్నారు.