డాలీ దర్శకత్వంలో పవన్ దాసరిల సినిమా?

Posted: 05/27/2015 05:01 PM IST

Pawan kalyan dasari film director confirmed

ప్రముఖ దర్శకుడు దర్శకరత్న దాసరి నారాయణ రావు నిర్మాతగా పవర్ స్టార్ పవన్ పవన్ కళ్యాణ్ హీరోగా ఓ చిత్రం రూపొందనున్న విషయం తెలిసిందే. ఈ విషయంపై దాసరి కూడా ఇటీవలే ఓ క్లారిటీ కూడా ఇచ్చేసాడు. ఈ ప్రాజెక్ట్ గురించి దాసరి మాట్లాడుతూ... తానకు తానే వచ్చి మనమిద్దం కలిసి సినిమా చేయ్యాలి అని అడిగాడు. కానీ నేను మొదట్లో ఏదో సరదాకు చెప్పాడులే అని అనుకున్నాను. కానీ ఈ సినిమా విషయంలో పవన్ మాత్రం చాలా శ్రద్ధ చూపుతున్నాడు అని తెలిపారు.

అయితే ఈ సినిమా ఎప్పుడు మొదలవుతోందో, ఈ సినిమా నటీనటులు, సాంకేతిక నిపుణులు ఎవరూ అనే విషయంపై ఇంకా ఎలాంటి వివరాలు ప్రకటించలేదు. అయితే ఈ చిత్రానికి డాలీ దర్శకత్వం వహించబోతున్నాడని వార్తలొస్తున్నాయి. తాజా సమాచారం ప్రకారం డాలీ దర్శకుడిగా ఖరారు అయినట్లుగా తెలిసింది.

‘గోపాల గోపాల’ చిత్రం తర్వాత దర్శకుడు డాలీతో మరో సినిమా కూడా చేస్తానని పవన్ కళ్యాణ్ ఇదివరకే ప్రకటించిన విషయం తెలిసిందే. ఇప్పుడు పవన్ కళ్యాణ్ కోసం డాలీ ఓ స్క్రిప్టును సిద్ధం చేస్తున్నట్లుగా తెలిసింది. ఈ కథను ఇటీవలే దాసరికి డాలీ ఓ కథ వినిపించాడట. కథ నచ్చడంతో డాలీకి దాసరి గ్రీన్ సిగ్నల్ ఇచ్చేసినట్లుగా తెలిసింది. త్వరలోనే ఈ ప్రాజెక్టుపై అధికారికంగా ప్రకటించనున్నారు.

ప్రస్తుతం పవన్ కళ్యాణ్ ‘గబ్బర్ సింగ్2’ సినిమా కోసం సిద్ధమవుతున్నాడు. ఈనెల 29న ‘గబ్బర్ సింగ్2’ ప్రాజెక్టు సెట్స్ పైకి వెళ్లనుంది. బాబీ దర్శకత్వంలో రూపొందనున్న ఈ చిత్రాన్ని శరత్ మరార్ నిర్మించనున్నాడు. దేవిశ్రీప్రసాద్ సంగీతం అందిస్తున్నాడు.