వచ్చే ఏడాది సంక్రాంతికి గబ్బర్ సింగ్2 విడుదల

Posted: 05/02/2015 04:43 PM IST

Pawan kalyan gabbar singh2 movie release date fixed

పవర్ స్టార్ పవన్ కళ్యాణ్ హీరోగా బాబీ దర్శకత్వంలో ‘గబ్బర్ సింగ్2’ చిత్రం తెరకెక్కనున్న విషయం తెలిసిందే. ప్రముఖ నిర్మాత శరత్ మరార్ నిర్మించనున్న ఈ చిత్రం త్వరలోనే సెట్స్ పైకి వెళ్లనుంది. ‘అత్తారింటికి దారేది’ తర్వాత పవన్ కళ్యాణ్ హీరోగా నటించబోయే పూర్తిస్థాయి చిత్రం ఇదే కానుంది. అయితే ఇటీవలే ఈ చిత్ర విశేషాల గురించి దర్శక నిర్మాతలు తెలియజేస్తూ...

శరత్ మరార్ మాట్లాడుతూ... భారీ బడ్జెట్ చిత్రం మరియు భారీ అంచనాలతో రూపొందనున్న చిత్రం కాబట్టి.. పక్కాగా ప్లాన్ చేసుకుంటున్నాం. స్ర్కిప్టు పని జరుగుతోంది. దర్శకుడు బాబీ స్ర్కిప్టుకు తుదిమెరుగులు దిద్దుతున్నారు. అన్ని సిద్ధం అయ్యాకే షూటింగ్ ప్రారంభం తేదిని అధికారికంగా ప్రకటిస్తాం అంటూ చెప్పుకొచ్చాడు.

దర్శకుడు బాబీ మాట్లాడుతూ... ‘గబ్బర్‌ సింగ్‌’ చిత్రానికి సీక్వెల్‌ అంటే ప్రేక్షకులు ఏ రేంజులో ఆశిస్తారో తెలిసిందే. అభిమానుల అంచనాలను ఏ మాత్రం తగ్గకుండా అన్ని అంశాలతో ఈ కథను తయారు చేశాం. స్ర్కిప్టు వర్క్ పక్కాగా పూర్తయింది. నటీనటులు, సాంకేతిక నిపుణుల వివరాలు త్వరలోనే తెలియజేస్తాం అని చెప్పుకొచ్చారు.

అయితే తాజా సమాచారం ప్రకారం ఈ చిత్రాన్ని ఈనెల చివర్లో ప్రారంభించి, 2016లో సంక్రాంతి కానుకగా విడుదల చేయనున్నట్లుగా తెలిసింది త్వరలోనే ఈ చిత్ర వివరాలు అధికారికంగా ప్రకటించనున్నారు.