క్రికెటర్ తో రాధికా కుమార్తె ‘ప్రేమాయణం’!

Posted: 04/22/2015 05:29 PM IST

Radhika daughter rayane deep love ipl rcb cricketer abhimanyu mithun

ఇటీవలే కాలంలో సినిమా, క్రీడారంగంలో వున్నవారి మధ్య బంధాలు బాగానే పెరిగిపోతున్నట్లు తెలుస్తోంది. ఈ తంతు చాలాకాలం నుంచి నడుస్తూ వస్తోంది కానీ.. ఈ మధ్య ఈ రెండు రంగాల మధ్య రిలేషన్ మరింత చేరువవుతున్నట్లు తెలుస్తోంది. ఇప్పటికే బాలీవుడ్ హాట్ భామ అనుష్క శర్మ క్రికెటర్ విరాట్ కోహ్లీతో పీకల్లోతుదాకా ప్రేమలో మునిగిపోగా.. తాజాగా మరో హీరోయిన్ కూతురు ఓ క్రికెటర్ తో కొన్నాళ్ల నుంచి డేటింగ్ చేస్తోందని వార్తలొస్తున్నాయి.

ఒకప్పుడు వెండితెరపై హీరోయిన్ గా ఓ వెలుగు వెలిగిన రాధికకు 23 ఏళ్ల రయానే హార్డీ అనే కూతురు వుంది. రాధికాకు, ఆమె విడాకులు తీసుకున్న రెండో భర్త రిచార్డ్ హార్డీకి ఈమె జన్మించింది. ప్రస్తుతం ఈ అమ్మడు బెంగుళూరు రాయల్ ఛాలెంజర్స్ క్రికెట్ జట్టుకు సంబంధించిన యువ ఆటగాడు అభిమన్యు మిథున్ తో గతకొన్నాళ్ల నుంచి డేటింగ్ చేస్తోందని వార్తలొస్తున్నాయి. వీరిద్దరూ చెట్టాపట్టాలేసుకుని పార్టీలకు, పబ్బులకు షికార్లు చేస్తున్నారని సమాచారం! అంతేకాదు.. స్టార్ హోటళ్లలో కూడా వీరిద్దరు కలిసి బస చేసినట్లుగా సన్నిహిత వర్గాలు వెల్లడిస్తున్నాయి. వీరిద్దరు కౌగిలించుకున్నట్లు, ముద్దుల ముచ్చట్లు కూడా తీర్చుకున్నారని సోషల్ మీడియాలో పుకార్లు షికార్లు చేస్తున్నాయి.

ఇదిలావుండగా.. ఈ అమ్మడు ఇండస్ట్రీలో ఎంట్రీ ఇచ్చేందుకు ప్రయత్నాలు చేస్తున్నట్లు కోలీవుడ్ వర్గాలు తెలుపుతున్నాయి. ఇందుకు సంబంధించి రాధికా కూడా ప్రయత్నాలు ముమ్మరం చేస్తోందట! ఏదేమైనా.. ఇంకా ఇండస్ట్రీలోకి రాకముందే ఈ అమ్మడు ఓ క్రికెటర్ తో ప్రేమాయణం నడపుతూ వార్తల్లోకక్కేసింది. మరి.. వీరిద్దరి ప్రేమాయణం ఎన్నాళ్లవరకు కొనసాగుతుందో వేచి చూడాల్సిందే!