ఏప్రిల్ లో సిద్ధార్థ్ దిల్ రాజు సినిమా విడుదల

Posted: 03/31/2015 10:20 AM IST

టాలీవుడ్ పై సంచలన కామెంట్లు చేసి, తెలుగు ప్రేక్షకులకు దూరమైన నటుడు సిద్ధార్థ్ మళ్లీ టాలీవుడ్ లోకి రీఎంట్రీ ఇవ్వడానికి ప్రయత్నిస్తున్నాడు. తాను నటించిన తాజా తమిళ చిత్రాలను తెలుగులో ఒక్కొక్కటి వరుసగా విడుదల చేస్తున్నాడు.

ఇటీవలే సిద్ధార్థ్ నటించిన తమిళ చిత్రం ‘జిగర్ధాండా’ విడుదలై మంచి విజయం సాధించింది. అయితే ఈ చిత్రాన్ని తెలుగులో ‘దిల్ రాజు’ అనే పేరుతో విడుదల చేస్తున్నారు. ‘దమ్ముంటే కాస్కో’ అనేది ట్యాగ్ లైన్. ఇటీవలే ఈ చిత్రానికి సంబంధించిన ఓ పోస్టర్ ను కూడా విడుదల చేసారు.

ఇందులో సిద్ధార్థ్ సరసన లక్ష్మీ మీనన్ హీరోయిన్ గా నటించింది. కార్తీక్ సుబ్బురాజ్ దర్శకత్వం వహించాడు. ఈ చిత్రాన్ని ఏప్రిల్ నెల మొదటి వారంలో విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.