బాలీవుడ్ లో సచిన్ దండయాత్ర చేయనున్నాడా?

Posted: 02/19/2015 03:25 PM IST

Sachin joshi to remake ntr temper in bollywood

యంగ్ టైగర్ ఎన్టీఆర్ హీరోగా పరమేశ్వర ఆర్ట్ ప్రొడక్షన్స్ బ్యానర్లో నిర్మాత బండ్ల గణేష్ నిర్మించిన ‘టెంపర్’ సినిమా ఇటీవలే విడుదలై భారీ రెస్పాన్స్ ను సొంతం చేసుకుంటోంది. 100% కన్నింగ్, కరెప్టెడ్ పోలీస్ ఆఫీసర్ గా యంగ్ టైగర్ ఎన్టీఆర్ నటన సూపర్బ్. పూరీ జగన్నాధ్ దర్శకత్వంలో రూపొందిన ఈ సినిమా అన్నిచోట్ల భారీ కలెక్షన్లు రాబడుతోంది.

ఈ సినిమాను అన్ని భాషలలో తానే రీమేక్ చేస్తానని ప్రకటించిన నిర్మాత బండ్ల గణేష్... ఈ సినిమా హిందీ రీమేక్ హక్కులను వేరే హీరోకు అమ్మేసినట్లుగా తెలిసింది. ‘టెంపర్’ సినిమా హిందీ రీమేక్ హక్కులను నటుడు సచిన్ జోషికి అమ్మేసినట్లుగా వార్తలొస్తున్నాయి.

ఇటీవలే సచిన్ జోషితో ‘నీజతగా నేనుండాలి’ అనే సినిమాను నిర్మించాడు బండ్ల గణేష్. ఆ స్నేహంతోనే ‘టెంపర్’ సినిమా హిందీ రీమేక్ హక్కులను భారీ రేటుకు సచిన్ జోషికి బండ్ల గణేష్ అమ్మేసాడని టాలీవుడ్ లో వార్తలొస్తున్నాయి. ఈ హిందీ ‘టెంపర్’ రీమేక్ లో సచిన్ జోషి హీరోగా నటించనున్నాడని సమాచారం.

హిందీలోనే కాకుండా తమిళంలో కూడా ఈ సినిమాను సచిన్ జోషి నిర్మించనున్నాడని తెలిసింది. మరి ఈ వార్తలు నిజమో కాదో అనే విషయం తెలియాలంటే మరికొద్ది రోజులు ఎదురుచూడాల్సిందే. తెలుగులో మాత్రం ‘టెంపర్’ రికార్డులు క్రియేట్ చేస్తుంది.