మాటలతో ఊరించారు.. చేతలతో చూపించలేదు!

Posted: 01/26/2015 12:33 PM IST

గతేడాది వ్యభిచారం వ్యవహారంలో పట్టుబడిన శ్వేతబసు ప్రసాద్’పై కోర్టు క్లీన్’చీట్ ఇవ్వడంతో ఇటీవలే విడుదలైన సంగతి తెలిసిందే! దీంతో కొన్నాళ్లు ఇంటిచాటునే వున్న ఈ అమ్మడు.. ఇప్పుడు మళ్లీ గత స్టార్’డమ్’ను తిరిగి పొందేందుకు ప్రయత్నాలు ముమ్మరం చేస్తోంది. అరెస్ట్ కావడానికి ముందే నటించిన మూవీల ప్రచారాల వ్యవహారాల్లో బిజీబిజీగా గడిపేస్తోంది. కథానాయికగా ఇండస్ట్రీలో మళ్లీ రాణించాలని ఈ అమ్మడు ఆఫర్ల కోసం ఎదురుచూస్తోంది. ఈ నేపథ్యంలోనే ఈ అమ్మడికి అవకాశం ఇస్తామంటూ ఊరించారని.. కానీ ఇంతవరకు చేతల్లో చేయలేకపోయారని ఆవేదన వ్యక్తం చేసింది.

ఆమధ్య వ్యభిచారంలో పట్టుబడిన అనంతరం శ్వేతకు బాలీవుడ్ దర్శకులతో సహా పలువురు ప్రముఖులు మద్దతు ప్రకటించిన విషయం తెలిసిందే! అదే సమయంలో కొందరు తమ మూవీల్లో నటిగా అవకాశం ఇస్తామంటూ బహిరంగంగానే వెల్లడించారు. అలా వెల్లడించిన వాళ్లు ఏ ఒక్కరు తనకు ఇంకా అవకాశం కల్పించలేదని ఈ భామ ఆవేదన వ్యక్తం చేసింది. అప్పుడు అందరూ ఆఫర్లు ఇస్తామంటూ తనను మాటలతో ఊరించారు కానీ.. ఇప్పుడు ఏ ఒక్కరు చేతల్లో చేసి చూపించలేదని ఈ అమ్మడు తెలిపింది. ఏ ఒక్కరు కూడా తనను ఇంా సంప్రదించలేదని ఈ సెక్సీ అమ్మడు వాపోయింది.

గతంలో బాలీవుడ్ దర్శకుడు ఒకరు ఈమెకు ఆఫర్ ఇస్తానని తెలిపారు. కానీ.. ఈమె విడుదలైన అనంతరం ఒక్కసారి కూడా సంప్రదించలేదు. ఇటు తెలుగులో నిర్మాత-హీరో మంచు విష్ణు కూడా ఈమెకు అవకాశం కల్పిస్తానని ఆమధ్య మాటిచ్చారు. అలా ఇచ్చిన మాటప్రకారం ఆయన చేతల్లో చేసి చూపించారని తెలుపుతోంది. ప్రస్తుతం విష్ణు మూవీలో నటించే విషయంపై చర్చలు కొనసాగుతున్నాయని తెలిపింది. తాను ఏ భాషలో నటించడానికైనా సిద్ధమని, ఎవరైనా తనను నేరుగా సంప్రదించవచ్చునని తెలిపింది.

AS