బాలీవుడ్’లో ఆసిన్ కేరళ ట్రీట్మెంట్..

Posted: 01/24/2015 12:34 PM IST

Asin thottumkal kerala treatement bollywood promotions movie offers

దక్షిణాది చిత్రపరిశ్రమలో ఒకప్పుడు హీరోయిన్’గా ఓ వెలుగు వెలిగిపోయిన ఆసిన్.. ఆ తర్వాత ముంబైకి మకాం మార్చేసిన విషయం తెలిసిందే! అక్కడికి వెళ్లిన తొలినాళ్లలో ఈమెకి భారీ ఆఫర్లే ముట్టాయి. వరుసగా విజయాలు అందుకుంటూ ఒకే సంవత్సరంలో 1000 కోట్ల క్లబ్’లోకి చేరిపోయింది. అప్పుడు ఆమె ఆనందానికి హద్దూపద్దూలేకుండా పోయింది. ఇక తనకు హిందీలోనూ తిరుగులేదని అంతా అనుకున్నారు. కానీ.. యువకథానాయికల ధాటికి ఈమె డీలా పడిపోకతప్పలేదు.

కొత్త తారలు తమ నటనతోబాటు అందాల ఆరబోతను బాగా ప్రదర్శించడంతో ఈమెకి ఆఫర్లు ఒక్కసారిగా తగ్గిపోయాయి. దీంతో ఈ అమ్మడు కొన్ని సంస్థలకు బ్రాండ్ అంబాసిడర్’గానూ, చిన్నచిన్న యాడ్’లలో నటిస్తూ అడ్జస్ట్ అయిపోతోంది. మరోవైపు.. తనకు మళ్లీ ఆఫర్లు దక్కుతాయనే నమ్మకంతో ప్రయత్నాలు చేస్తోంది. ఈ నేపథ్యంలో ఈ మల్లూ బ్యూటీ అక్కడివాళ్లను ఆకర్షించేందుకు కేరళ ట్రీట్మెంట్ మొదలెట్టిందని ప్రచారాలు జోరుగా సాగుతున్నాయి.

ఇటీవలే ఈ అమ్మడికి ఆఫర్లు లేని సందర్భంలో కాస్త బొద్దుగా తయారైపోయింది. రానురాను బాడీ సైజ్ పెరుతోందని భావించిన ఈ అమ్మడు.. తిరిగి నాజుగ్గా తయారవడానికి కేరళ వెళ్లి స్పెషల్ ట్మీట్మెంట్ తీసుకుందట! దాంతో ఈ అమ్మడు మళ్లీ ముందులాగే ఒళ్లు తగ్గించి, జీరో సైజ్ సెక్సీ బాడీని పొందిందట! ఈ క్రమంలోనే ఈ అమ్మడు అక్కడి సంప్రదాయ ఆహార పద్ధతులు, నియమాలు, మూలికలు, సుగంధ ద్రవ్యాలు, యోగా, ధ్యానం, హీలింగ్ తదితర వాటన్నింటిపైనా బాగానే అధ్యయనం పట్టిందట! అంతేకాదు.. వాటి ద్వారా ఈ అమ్మడు మంచి ఫలితాల కూడా పొందిందట!

దీంతో కేరళ సంప్రదాయానికి ముగ్ధురాలైన ఈ భామ.. వాటి ప్రత్యేకతల గురించి బాలీవుడ్ వాళ్లకు చెబుతూ కేరళ వైద్యాన్ని చేయించుకోవాల్సిందిగా రికమెండ్ చేస్తోందని వార్తలొస్తున్నాయి. చక్కని ఆరోగ్యానికి, వయసుని జయించడానికి కేరళ ఆరోగ్య నియమాలను పటించమంటూ బాలీవుడ్’లో ప్రచారం సాగిస్తోందని.. అంతకుమించిన పద్ధతులు ఇంకేవీ లేవంటూ చెప్పుకుంటూ తిరుగుతోందని సమాచారం! అయితే.. మూవీ ఆఫర్స్ కోసమే ఆసిన్ ఇలా చేస్తోందని.. ఆరోగ్య నియమాల ప్రత్యేకతలను తెలిపి అందరినీ ఆకట్టుకోవడం కోసమే ఇలా ప్రచారాలు చేస్తోందని విశ్లేషకుల అభిప్రాయం!