త్రివిక్రమ్ వీక్ పాయింట్ పై దెబ్బ కొట్టాడు

Posted: 12/11/2014 05:19 PM IST

‘అన్నీ ఉన్నా అల్లుడి నోట్లో శని ఉన్నట్లుంది’ డైరెక్టర్ త్రివిక్ర్ శ్రీనివాస్ వ్యవహారం. డైలాగులు, కమర్షియల్ యాంగిల్ తో డిఫరెంట్ సినిమాలు తీయగల సత్తా ఉన్న త్రివిక్రమ్ కు ఓ మైనస్ పాయింట్ ఉంది.. అదే నిదానం. స్లో అండ్ స్టడీ అన్నట్లు సినిమాను చెక్కుతూ.., చెక్కుతూ నిదానంగా షూట్ చేసుకుపోతాడు. దీంతో ఈయనతో సినిమాలు చేసేందుకు స్టార్ హీరోలు ఆసక్తి చూపినా.., ఎప్పుడు కంప్లీట్ అవుతుందో క్లారిటి ఉండకపోవటంతో ఇతర ప్రాజెక్టులకు డే్ట్లు సర్ధలేక అవస్థలు పడుతుంటారు. కొందరయితే గోల్డెన్ ఛాన్స్ వదులుకునేందుకు సిద్దపడుతుంటారు కూడా.

ప్రభాస్ కూడా ఇప్పుడదే పని చేశాడు. త్రివిక్రమ్ తో సినిమా చేస్తున్నట్లు ఆ మద్య ఊహాగానాలు వచ్చాయి. తాజాగా వస్తున్న సమాచారం ప్రకారం.., వీరిద్దరి కాంబినేషన్ లో సినిమా రాకపోవచ్చు అని తెలుస్తోంది. ఎందుకంటే ప్రభాస్ ప్రస్తుతం ‘బాహబలి’ షూటింగ్ లో బిజీగా ఉన్నాడు. అటు మాటల మాంత్రికుడు బన్నీతో సెకండ్ కాంబినేషన్ తీస్తున్నాడు. ఈ మూవీ తర్వాత శ్రీనివాస్ ప్రభాస్ ప్రాజెక్టు చేస్తారనుకుంటే.., మహేష్ తో మూవీకి ఓకే చెప్పాడట. అసలే స్లో.., ఆ పై మరో మూవీ తర్వాత ప్రభాస్ సినిమా అనటంతో ఇలా అయితే పని జరగదు అనుకుని ప్రభాస్ సైడ్ అయిపోయినట్లు గుసగుసలు విన్పిస్తున్నాయి.

త్రివిక్రమ్ కు బదులుగా ఎప్పట్నుంచో వెయిట్ చేస్తున్న సుజీత్ (రన్ రాజా రన్ ఫేం)కు ఓకే చెప్పేశాడట. ‘బాహుబలి’ తర్వాత యంగ్ రెబల్ స్టార్ ఈ మూవీకి డేట్లు ఇచ్చారని ఫిలింనగర్ వర్గాల టాక్. అంతమాత్రానికే ప్రభాస్- త్రివిక్రమ్ మూవీ కథ ముగిసిపోలేదని కూడా రూమర్లు వస్తున్నాయి. ఈ ప్రాజెక్టు ప్రస్తుతానికి పెండింగ్ లో పెట్టి ఎవరి పనులు వారు చేసుకున్న తర్వాత ఇద్దరూ ఖాళీగా ఉన్న సమయంలో కలిసి సినిమా చేస్తారని తెలుస్తోంది. మరి వీరిద్దిరికి కాంబోగా ఎప్పుడు ఖాళీ దొరుకుతుందో....?

కార్తిక్