ఏమి చేయకుండానే.., ఎక్కేస్తున్నాడు

Posted: 12/04/2014 11:29 AM IST

Akkineni akhil photo wow magazine cover page

ఆ ఒక్కటి అడక్కు అన్నట్లుంది హీరో అఖిల్ యవ్వారం. అబ్బాయి సినిమా తప్ప అన్ని చేస్తున్నాడు. త్వరలో తొలి సినిమా అని బోర్డు పెట్టేసి., దాన్ని నిత్యం తుడుచుకుంటూ కూర్చుంటున్నాడు. ఖాళీగా ఉన్నపుడు ఇలా ఫోటోలకు పోజులు ఇస్తున్నాడు. వి.వి.వినాయక్ తో తొలి సినిమా చేస్తానని గతంలో ప్రకటించారు. ఇందుకు సంబంధించి కథపై చర్చ.., వినాయక్ రెమ్యునరేషన్, ప్రొడ్యూసర్ ఎంపిక అంతా పూర్తయిందన్నారు. హీరోయిన్ గా శ్రీదేవి కూతురు ఝాన్వి లేదా మరో అమ్మాయి నటించే అవకాశం ఉందన్నారు. ఫస్ట్ అప్పియరెన్స్ బాగుండేందుకు జిమ్ లో కష్టపడి కండలు పెంచుతున్నట్లు కూడా కథనాలు వచ్చాయి.

అయితే ఇప్పటివరకు సినిమా పనులు మాత్రం మొదలు కాలేదు. దురదృష్టవశాత్తు మంగళవారం రోజు వినాయక్ తల్లి నాగరత్నమ్మ చనిపోవటంతో.., కొద్దిరోజుల వరకు ఆయన సినిమాపై దృష్టి పెట్టలేదు. దీంతో ఈ ఏడాదిలో సినిమా మొదలు పెట్టే అవకాశం లేదని స్పష్టం అవుతోంది. మరో రూమర్ ఏమిటంటే.., సినిమా కథ ఈ మద్యే ఓకే అయిందని విశ్వసనీయ వర్గాల ద్వారా తెలుస్తోంది. ఈలోపు ఇలా అనుకోని ఘటన జరగటంతో మరింత గ్యాపు ఏర్పడుతుంది. తాజా పరిస్థితులు చూస్తే సినిమాను వచ్చే ఏడాదిలో మొదలు పెట్టడం ఖాయంగా తెలుస్తోంది. అదికూడా సంక్రాంతి ముగిసిన తర్వాత సినిమా ప్రొడక్షన్ స్టార్ట్ చేస్తారని అంటున్నారు.

Akhil-Akkineni

ఇక తాజా ఫొటో వావ్ మ్యాగజైన్ కవర్ పేజిపై వచ్చింది. మ్యాగజైన్ 12వ వార్షికోత్సవంను పురస్కరించుకుని డిసెంబర్ కోసం ప్రత్యేక ఎడిషన్ విడుదల చేసింది. స్టార్ సన్ ఆన్ ద రైజ్ అంటూ.., అఖిల్ త్వరలోనే వస్తున్నాడు అని చెప్పింది. సినిమాలోకి రాకముందే ఓ యాడ్ చేసి అందరి దృష్టిని ఆకర్షించాడు. అదేవిధంగా టాలీవుడ్ నిర్వహించిన ‘మేము సైతం’లో కూడా హీరోగా పాల్గొన్నాడు. ఇక ఇప్పుడేమో కవర్ పేజీపై ఫొటోతో హల్ చల్ చేస్తున్నాడు. ఇలా సినిమాలు చేయకుండానే.., చివరకు అవార్డు అందుకుంటాడేమో అని విమర్శకులు వ్యంగ్యంగా కామెంట్లు చేసుకుంటున్నారు. ఇలాంటి రూమర్లకు పుల్ స్టాప్ పెట్టాలంటే.., సినిమాపై ప్రకటన చేస్తే సరిపోతుంది.

కార్తిక్