షాకుల మీద షాకులు.., విడుదలకు బ్రేకులు...?

Posted: 11/22/2014 12:44 PM IST

Mahesh babu may face problem from gabbar singh2

సూపర్ స్టార్ మహేష్ బాబుకు పాపం ఈ మద్య అన్ని కష్టాలే ఎదురవుతున్నాయి. భారీ అంచనాల మద్య వచ్చిన ‘ఆగడు’ ఆడకుండా అందర్నీ ఆగం చేసింది. హాలిడే టూర్ పేరుతో విదేశాలకు వెళ్లి ఈ ఫెయిల్యూర్ నుంచి కాస్త రిలీప్ అయిన ప్రిన్స్ బాబు.., తిరిగొచ్చి ఫ్రెష్ మైండ్ తో,
కొరటాల శివ డైరెక్షన్ లో మరొక సినిమా చేస్తున్నాడు. గతంలో ముంబైలో ఒక సినిమా చేయగా తాజాగా మహారాష్ర్టలోని పూణేలో ఈ మూవీ షూటింగ్ షెడ్యూల్ జరిగింది. అయితే ఈ సినిమా కూడా మహేష్ కు కష్టాలు తెచ్చిపెడుతుందని టాక్ విన్పిస్తోంది.

సినిమాలో హీరోయిన్ గా ఉన్న శృతి హాసన్ పూణే షూటింగ్ లో పాల్గొంది. కొన్నాళ్ళ పాటు సెట్ కు వచ్చి.., సీన్ ఏంటి.., డైలాగ్ ఎలా చెప్పాలి అంటూ హడావుడి చేసిన పాప, కోలివుడ్ నుంచి కాల్ రావటంతో సారీ సర్., వెళ్ళక తప్పదు అంటూ చెన్నైకి చెక్కేసింది. శృతిని నమ్ముకుని షెడ్యూల్ ప్లాన్ చేసిన శివ, సినమా చేద్దామని మంచి ఊపుతో వచ్చిన మహేష్ ఈ దెబ్బతో షాక్ అయ్యారట. అయితే విజయ్ సినిమాకు ముందే బల్క్ డేట్లు ఇవ్వటంతో ఏం చేస్తాంలే సర్దుకుపోదాం అనుకున్నారు.

కానీ తాజాగా మహేష్ కు పవన్ రూపంలో మరో ప్రాబ్లం ఎదురవనుంది. అదేమంటే పవన్ తాజా సినిమా ‘గబ్బర్ సింగ్2’ షూటింగ్ త్వరలో మొదలుకానుంది. వచ్చే ఏడాది మే చివర్లో ఈ సినిమా విడుదల చేసేలా షెడ్యూల్ మొత్తం ప్లాన్ చేశారని ఫిలింనగర్ వర్గాల టాక్. ఇదే జరిగితే మహేష్ కు దెబ్బ తప్పదు. ఎందుకంటే ప్రస్తుతం కొరటాల డైరెక్షన్ లో తెరకెక్కుతున్న మహేష్ మూవీ కూడా జూన్ లో విడుదల చేసేలా సన్నాహాలు చేస్తున్నారు. ఈ సినిమాకు ముందు మే చివర్లో వచ్చే ‘గబ్బర్ సింగ్2’ ఫీవర్ థియేటర్లలో ఎంతలేదన్నా రెండు నుంచి మూడు వారాలు ఉంటుంది. అప్పటికి జూన్ రెండవ వారం వస్తుంది. ఇక ఆ తర్వాత స్కూళ్ళు, కాలేజీలు సెలవులు ముగించుకుని స్టూడెంటస్ మళ్ళి పుస్తకాలు పట్టుకుంటారు. దీంతో సినిమా విడుదల అయినా ఆశించిన కలెక్షన్లుండకపోవచ్చు.

కార్తిక్