విజయశాంతి అవుతున్న యోగాటీచర్

Posted: 11/07/2014 01:33 PM IST

ఒకప్పుడు లేడి ఓరియంటెడ్ సినిమాలు అంటే వెంటనే గుర్తుకువచ్చే పేరు విజయశాంతి. హీరోయిన్ గా, ఆర్మీ అధికారి, కలెక్టర్, నక్సలైట్, టీచర్ ఇలా అనేక లేడి ఓరియంటెడ్ పాత్రల్లో నటించింది. అప్పట్లో సినిమా కూడా లేడీ సినిమా యాక్షన్ మూవీ అంటే విజయశాంతి అని ఊహించుకునేవారు. అంతలా సినిమాలు చేయటంతో పాటు, నటనను ప్రదర్శించింది. ఈ తరానికి కూడా మనకో విజయశాంతి ఉందండి. ఆమెవరో కాదు అందాల భామ అనుష్క షెట్టి. గ్లామర్ పాత్రలు, హీరోయిన్ వేషాలతో పాటు, లేడీ ఓరియంటెడ్ సినిమాలతో అభిమానులను సొంతం చేసుకుంది.

‘అరుంధతి’తో బ్లాక్ బస్టర్ హిట్ కొట్టగా.. తాజాగా ‘రుద్రమదేవి’లో భారీ అంచనాలు, బడ్జెట్ తో తెరకెక్కింది. దీంట్లో అమ్మడి ఫైట్స్, యాక్షన్, అద్బుతంగా ఉన్నాయని ఫొటోలు చూస్తే అర్థం అవుతుంది. ప్రస్తుతం ఈ మూవీ ఇంకా విడుదల కానేలేదు మరో లేడి కథతో సినిమా సిధ్దమయింది. ఇందుకు బొమ్మాళి కూడా ఓకే చెప్పేసిందుని ఫిలింనగర్ లో అనుకుంటున్నారు. ప్రముఖ దర్శకుడు రాఘవేంద్రరావు కుమారుడు ప్రకాష్ దర్శకత్వం వహించనున్న కొత్త సినిమాలో అనుష్క నటించేందుకు అంగీకరించిందట. ఇక ఈ మూవీని ప్రముఖ నిర్మాణ సంస్థ పీవీపీ తెరకెక్కించనుందని తెలుస్తోంది.

ప్రస్తుతం కధకు సంబంధించి మార్పులు, తుది మెరుగులు దిద్దుతున్నట్లు తెలుస్తోంది. చాలామంది డైరెక్టర్లు కధలతో సిద్ధంగా ఉన్నా.., రాఘవేంద్రరావు మార్కు కావటంతో నటించేందుకు అనుష్క డేట్లు అడ్జస్ట్ చేస్తోంది. అంటే అరుంధతిగా వచ్చిన రుద్రమదేవిని త్వరలో మరో యాక్షన్ కధలో చూడవచ్చన్నమాట. ఇది కెరీర్ కు బాగానే ఉపయోగపడుతున్నా.., ఇక అనుష్క అంటే లేడి ఓరియంటెడ్ సినిమా హీరోయిన్ అనే ముద్రపడే అవకాశం ఉంది. వీటిని జాగ్రత్తగా బేరిజు వేసుకుంటూ వెళ్తే మంచిది.

కార్తిక్