ఐశ్వర్య ఆవేదన.. అత్తారింట్లో 24 గంటలు నిద్రలేదట!

Posted: 11/03/2014 05:45 PM IST

Aishwarya rai bachchan pressmeet about her 41st birthday celebrations and movies

మాజీ విశ్వసుందరి ఐశ్వర్యరాయ్ బచ్చన్ శనివారం (01-11-2014) నాడు 41 ఏటలో అడుగుపెట్టిన విషయం అందరికీ తెలిసిందే! ఆనాడు బచ్చన్ కుటుంబసభ్యులు ఎంతో ఘనంగా ఆమె జన్మదిన వేడుకలను జరిపించారు. ఆ వేడుక సందర్భంగా ఎంతోమంది రాజకీయ, సినీ ప్రముఖులు సైతం ఎంతోమంది హాజరయ్యారు. నిజంగా చెప్పుకోవాలంటే... బచ్చన్ ఫ్యామిలీవాళ్లు ఐశ్వర్య బర్త్ డే ఫంక్షన్ ను ఒక పండుగలాగా జరుపుకున్నారని కొందరు అభిప్రాయాన్ని తెలుపుతున్నారు. మీడియాలో ఆమె వేడుకలకు సంబంధించి ఎన్నో కథనాలు వచ్చాయి కూడా! అంతే బాగానే వుంది కానీ.. వేడుక అనంతరం ఐశ్వర్య తన మనసులోని ఆవేదనను బయటపెట్టింది. తన అత్తారింట్లో తనకు 24 గంటలు నిద్రపట్టడం లేదని ఆమె మనోభావాలను వ్యక్తం చేసింది. తప్పుగా ఆలోచించకండి.. బర్త్ డే రోజు ఒక్కటే తనకు రాత్రంతా నిద్రపట్టలేదని పేర్కొంది అమ్మడు!

ఈ నేపథ్యంలోనే ఐశ్వర్య మాట్లాడుతూ.. ఊహ తెలిసినప్పటినుంచి ఏనాడూ పుట్టినరోజును ఇంత ఘనంగా జరుపుకోలేదని... బచ్చన్ కుటుంబసభ్యులు ఎంతో ఘనంగా తన పుట్టినరోజు వేడుకలు నిర్వహించారంటూ సంతోషాన్ని వ్యక్తం చేసింది. తన 41వ పుట్టినరోజును జీవితంలో ఎప్పటికీ మరిచిపోలేనంత ఘనంగా చేశారని ఆమె తెలిపింది. పుట్టినరోజు కంటే ముందునుంచే అతిథులు, శ్రేయోభిలాషులు ఇంటికి వచ్చి తనను బర్త్ డే విషేస్ చేశారని.. అలాగే ఆరోజు రాత్రంతా చాలామంది సన్నిహితులు ఫోన్ చేసి విషెస్ చెప్పారని.. అందువల్లే రాత్రంతా నిద్రపోలేదని తెలిపింది. ఇక మరుసటి బర్త్ డే రోజు హడావుడి మరీ ఎక్కువగ జరిగిందని తెలిపింది. ఆ రోజు రాత్రికూడా పార్టీలతో గడిచిపోయిందని.. ఇలా మొత్తంగా 24 గంటలు నిద్రలేకుండా గడపాల్సి వచ్చిందని నాలుగుపదుల సుందరి తెలిపింది.

అలాగే సినిమాల్లో తన రీఎంట్రీ గురించి కొన్ని విశేషాలు చెబుతూ... వచ్చే ఏడాది నుంచి నటిగా ఫుల్ బిజీగా వుంటానని తెలిపింది. ప్రస్తుతం సంజయ్ గుప్తా దర్శకత్వంలో తెరకెక్కుతున్న ‘‘జజ్బా’’ సినిమాలో నటిస్తున్నానని.. అలాగే మరికొన్ని సినిమాలను ఒప్పుకోబోతున్నానని తెలిపింది. 2015లో తాను ఫుల్ బిజీ అంటూ తెలిపింది.