దొరికిపోయిన తమన్నా.. బడాబాబులతో రొమాన్స్!

Posted: 10/27/2014 08:50 PM IST

Tamanna bhatia bags the heroine chance in nagarjuna karthi multistarrer movie

బాలీవుడ్ లో మిల్కీబ్యూటీ తమన్నా నటించిన సినిమాలన్నీ వరుసగా బాక్సాఫీస్ దగ్గర బోల్తాపడ్డంతో తిరిగి టాలీవుడ్ కి వచ్చేసిన సంగతి తెలిసిందే! అయితే ఇక్కడ కూడా ఈ అమ్మడికి అటువంటి చేదు అనుభవమే ఎదురుకావడంతో ఐరెన్ లెగ్ గా పేరు తెచ్చేసుకుంది. దీంతో ఈ అమ్మడికి తమ సినిమాల్లో తీసుకోవాలా..? వద్దా..? అనే ఆలోచనల్లో పడిపోయారు దర్శకనిర్మాతలు! ‘‘బాహుబలి’’లాంటి ప్రతిష్టాత్మక చిత్రంలో ఒక కీలకపాత్రలో నటిస్తోందే తప్ప... మిగతా ఆఫర్లు ఇంకా ఏమీ రాలేదు. అందుకే.. తమ్ము సినిమా అవకాశాలకోసం సౌత్ చిత్రపరిశ్రమలో బాగానే చక్కర్లు కొడుతోందని సమాచారం! వరుస ఫ్లాపుల కారణంగా స్టార్ డమ్ ను కోల్పోయిన ఈ బ్యూటీ.. తిరిగి తన స్టార్ డమ్ ను సంపాదించుకోవడం కోసం నానాతంటాలు పడుతోందని ఇండస్ట్రీలో చెప్పుకుంటున్నారు. ఈ నేపథ్యంలోనే ఈ అమ్మడు ఇద్దరు బడాబాబులతో రొమాన్స్ చేయడానికి సిద్ధమైందనే వార్తలు బయటకు వస్తున్నాయి.

అసలు విషయం ఏమిటంటే.. అక్కినేని నాగార్జున - తమిళ హీరో కార్తీ కాంబినేషన్ లో ఓ మల్టీస్టారర్ మూవీ తెరకెక్కుతున్న విషయం ఇదివరకే తెలిసిందే! వంశీపైడిపల్లి దర్శకత్వం వహిస్తున్న ఈ సినిమాను పివిపి సంస్థ నిర్మించనుంది. ఇప్పటికే చాలా ఆలస్యం కావడంతో ఈ సినిమాను త్వరలోనే సెట్స్ పైకి తీసుకెళ్లాలనే ప్లాన్ లో వున్నారని చిత్రబృందం నిర్ణయించుకున్నట్లు తెలుస్తోంది. అయితే ఇందులో హీరోయిన్ల విషయంలో క్లారిటీ రాకపోవడం వల్లే ఇంతవరకు సెట్స్ పైకి వెళ్లలేదని యూనిట్ వర్గాలు తెలుపుతున్నాయి. మల్టీస్టారర్ కావడం వల్ల నిన్నమొన్నటివరకు ఇందులో ఇద్దరు హీరోయిన్లు వుంటారని అనుకున్నారు కానీ.. తాజాగా అందుతున్న సమాచారాల ప్రకారం ఒకే హీరోయిన్ వుంటుందని సమాచారం! అంటే ఈ ఇద్దరు బడాహీరోలు ఒకే హీరోయిన్ తో రొమాన్స్ చేయనున్నారన్నమాట!

ఈ సినిమాలో హీరోయిన్ కోసం ఎంతోమందిని విశ్లేషించిన అనంతరం చివరకు మిల్కీబ్యూటీ తమన్నాను తీసుకున్నారని యూనిట్ వర్గాల నుంచి అందుతున్న సమాచారం! ఎంతోకష్టపడి అన్వేషిస్తే చివరకు తమకు తమన్నా దొరికిందని.. ఇద్దరు హీరోలతో రొమాన్స్ చేయడానికి తాను ఒప్పుకుందని చెప్పుకుంటున్నారు. తనకు ఆఫర్లు లేని సమయంలో ఇలా మల్టీస్టారర్ సినిమాలో రావడంతో ఆమె వెంటనే ఓకే అనేసిందని.. ఈ సినిమాతో తన దశ మళ్లీ తిరుగుతుందనే ఆశాభావంతో తమన్నా వున్నట్లు తెలుస్తోంది. గతంలో కార్తీ-తమన్నా హీరోహీరోయిన్లుగా రెండు తమిళ సినిమాల్లోనూ నటించారు. మరి ఈ మల్టీస్టారర్ సినిమాలో తమ్ము ఎవరికి దక్కుతుందనేది మాత్రం సస్సెన్స్!