ప్రొడక్షన్ నెం.3, లక్కీ నెంబర్ 2

Posted: 10/16/2014 01:34 PM IST

‘లౌక్యం’ తెలిసిన హీరోగా పేరు తెచ్చుకున్న గోపిచంద్ గురించి ఓ కొత్త విషయం తెలిసింది. ప్రస్తుతం ఈ హీరో యువి ప్రొడక్షన్స్ నిర్మిస్తున్న ఓ సినిమాలో నటిస్తున్న విషయం తెలిసిందే. తాజా అప్ డేట్ ఏమిటంటే.., ఈ సినిమాకు ‘జిల్’ అనే పేరు పెట్టారట. అయితే దీన్ని ఇంకా అధికారికంగా దృవీకరించలేదు. టైటిల్ కు తగినట్లు క్యాప్షన్ (ట్యాగ్ లైన్) ఉంటే ఇదే ఫైనల్ అవుతుంది లేదు అంటే మారుతుంది అంటున్నారు. మిగతా హీరోల లాగానే టైటిల్ పరంగా గోపిచంద్ ఓ సెంటిమెంట్ ఫాలో అవుతున్నట్లు తెలుస్తోంది.

గోపిచంద్ విషయానికి వస్తే గతంలో రెండు అక్షరాలతో వచ్చిన సినిమాలు ‘జయం’, ‘యజ్ఞం’, ‘లక్ష్యం’, ‘శౌర్యం’, తాజాగా ‘లౌక్యం’ సినిమాలు ప్రజాదరణ పొందాయి. కొత్తగా వస్తున్న సినిమాకు పరిశీలిస్తున్న పేరు ‘జిల్’ కూడ రెండు అక్షరాలే కావటం విశేషం. ఇంకో సంగతి ఏమిటంటే ఈ మద్య ‘లౌక్యం’ హిట్ సంతోషంతో పాటు హీరో తండ్రి కావటం మరో సంతోషం ఇవి కూడా రెండు విశేషాలేనని టాలీవుడ్ వర్గాలు చెప్పుకుంటున్నాయి. ఇక తాజా ప్రాజెక్టు అప్ డేట్స్ విషయానికి వస్తే.., శరవేగంగా షూటింగ్ జరుపుకుంటున్న ఈ మూవీ వీలయితే సంక్రాంతికి విడుదల కావచ్చు.. కుదరక పోతే ఆ తర్వాత ప్రేక్షకుల ముందుకు వచ్చేందుకు సిద్ధం అవుతోంది.

‘మిర్చి’, ‘రన్ రాజా రన్’ సినిమాలు అందించిన యువి ప్రొడక్షన్స్ తీస్తున్న మూడవ సినిమా ఇది. దీనికి టైటిల్ పెట్టక ముందే.., ‘ప్రొడక్షన్ నెంబర్ 3’ అనే పేరుతో ఫస్ట్ లుక్ విడుదల చేశారు. . దీనికి మంచి స్పందన వచ్చింది. ఈ మూవీలో హీరోయిన్ గా ‘ఊహలు గుసగుసలాడే’ ఫేం రాశి ఖన్నా నటిస్తోంది. సంగీతం విషయానికి వస్తే మణిశర్మ తనయుడు సాగర్ మహతి అందిస్తున్నాడు. ఈ కధ ద్వారా రాధాకృష్ణ అనే డైరెక్టర్ ఇండస్ర్టీకి పరిచయం అవుతున్నాడు. మూవీకి సంబంధించి మరిన్ని విశేషాలు త్వరలోనే అందిస్తాము.

కార్తిక్