తమిళ ప్రముఖ దర్శకుడు శంకర్ తో కలిసి టాలీవుడ్ ప్రిన్స్ మహేష్ బాబు త్వరలోనే ఓ సినిమా తీయబోతున్నారనే వార్త ప్రస్తుతం సంచలనంగా మారిపోయింది. ఇటీవలే మహేష్ ‘‘ఆగడు’’ మూవీ ఆడియో ఫంక్షన్ కు ముఖ్య అతిథిగా శంకర్ విచ్చేసిన సందర్భంలో ఈ పుకార్లు షికార్లు చేయడం మొదలయ్యాయి. దీంతో ప్రిన్స్ అభిమానులు చాలా సంతోష పడ్డారు. వీరిద్దరి కాంబినేషన్ లో అదిరిపోయే సినిమా రావడం ఖాయమని అందరూ ఆశించారు. కానీ.. మహేష్ బాబు మాత్రం వారి ఆశల మీద నీళ్లు చల్లేశారు. తాను శంకర్ తో కలిసి సినిమా తీయడం లేదని తేల్చి చెప్పేశారు.
మంగళవారం హైదరాబాద్ లో జరిగిన ఓ ప్రైవేట్ కార్యక్రమానికి హాజరైన మహేష్ బాబు ఈ రూమర్ ని కొట్టిపారేశారు. తాను శంకర్ దర్శకత్వంలో నటించడం లేదని.. అలాంటి ప్రపోజల్ తన దగ్గరకు రాలేదని.. అసలు శంకర్ కీ తనకూ మధ్య సినిమా ప్రస్తావనే రాలేదని ఆయన స్పష్టం చేశారు. దీంతో ఈ వార్తకు తెరపడినట్టైంది. నిన్నమొన్నటివరకు ఆనందంలో మునిగిపోయిన టాలీవుడ్ అభిమానులకు ఇది చేదునిజంగా మిగిలిపోయింది. ఇదిలావుండగా.. ఈ సమావేశ నేపథ్యంలోనే మహేష్ తన మూవీ గురించి మరిన్ని విషయాలను సరదాగా షేర్ చేసుకున్నారు.
ఇందులో భాగంగా మహేష్ ‘‘ఆగడ’’ మూవీ గురించి మాట్లాడుతూ.. ఈనెల 19వ తేదీన రిలీజ్ చేయనున్నట్టు తెలిపారు. అలాగే.. ‘‘నేను ‘పోకిరి, దూకుడు’ చిత్రాల్లో పోలీస్ పాత్ర పోషించిినా.. పూర్తిస్థాయి పోలీస్ గా నటించడం ఇదే ప్రథమం. ఇందులో నా పాత్ర గత సినిమాలకంటే చాలా కొత్తగా, శక్తిమంతంగా వుంటుంది. ఇటీవలే నాన్నగారు ఈ సినిమా చూసి సూపర్బ్ గా వుందని చెప్పారు. ఆయన జడ్జిమెంట్ (కల)ను ‘ఆగడు’ సినిమా ఖచ్చితంగా నెరవేరుస్తుంది’’ అని నమ్మకాన్ని వ్యక్తం చేశారు. ఇక, తన అబ్బాయి గౌతమ్ మళ్లీ తెరపైకి ఎప్పుడు కనిపిస్తాడు..? అన్న ప్రశ్నకు చిరునవ్వుతో.. ‘‘వాడు ఇంకా చదువుకోవాలిగా!’’ అంటూ బదులిచ్చారు. త్వరలోనే కొరటాల శివ, పూరీజగన్నాథ్ లతో కలిసి సినిమాలు చేయనున్నట్టు వెల్లడించారు.
AS
(And get your daily news straight to your inbox)
Jun 18 | మెగా డాటర్, సినీనటుడు, నిర్మాత, రాజకీయ నేత, మెగా బ్రదర్ నాగబాబు గారాలపట్టి నిహారిక కొణిదెల వివాహంపై మళ్లీ వార్తలు జోరందుకున్నాయి. అందుకు కారణం నిహారిక తాజాగా తన సోషల్ మీడియా అకౌంట్ లో... Read more
Aug 16 | రెబల్ స్టార్ ప్రభాస్.. టాలీవుడ్ మోస్ట్ ఎలిజబుల్ బ్యాచిలర్ గా ఎంతోమంది అమ్మాయిల ఫాలోయింగ్ పొందిన ఈ హీరో పెళ్లి విషయం ఇప్పుడు సోషల్ మీడియాలో హాట్ టాపిక్ గా మారింది. ‘బాహుబలి’తో ప్రపంచవ్యాప్తంగా... Read more
Jul 30 | దీపం వుండానే ఇళ్లు చక్కబెట్టుకోవాలన్నది పాత సామేతే అయినా దీన్ని సినీ ఇండస్ట్రీ వాళ్లు ఒంటబట్టించుకున్నట్లుగా ఎవ్వరూ చేయలేరన్నది అతిశయోక్తి కాదు. సక్సెస్ రోడ్డులో నడుస్తున్నప్పుడే నాలుగు రాళ్లు వెనకేసుకోవాలనే ఆశ ఇండస్ట్రీలో కామన్.... Read more
May 28 | జనసేన అధినేత పవర్ స్టార్ పవన్ కల్యాణ్ సినిమాలను పక్కన పెట్టేసి, రాజకీయాలకే పూర్తి సమయాన్ని కేటాయించిన విషయం తెలిసిందే. ఎన్నికల నేపథ్యంలో తాను మళ్లీ సినీరంగం వైపు రానని కూడా చెప్పారు. ఎన్నికల... Read more
May 11 | సూపర్ స్టార్ మహేష్ నటించిన మహర్షి అద్భుత వసూళ్లు సాధిస్తున్న సంగతి తెలిసిందే. క్రిటిక్స్ నుంచి లాజిక్ లెస్ అంటూ కొన్ని విమర్శలు వచ్చినా ఈ సినిమా బాక్సాఫీస్ వద్ద చక్కని వసూళ్లు సాధిస్తోంది.... Read more