అమలా కు మొగుడు కష్టాలు?

Posted: 04/27/2014 03:05 AM IST

ప్రేమిస్తే.. పెళ్లి కష్టాలు వస్తాయి. అలాగే  వేర్వేరు కులాల ప్రేమలు..  చాలా వరకు పెళ్లితోనే కష్టాలు మొదలవుతాయి. హీరోయిన్ అమలా పాల్, తమిళ దర్శకుడు ఎఎల్ విజయ్ త్వరలో పెళ్లి చేసుకోబోతున్న సంగతి తెలిసిందే. జూన్ నెలలో వీరి వివాహం జరుగబోతోంది. 

ఈ విషయం ఇప్పటికే అధికారికంగా ఖరారైంది. విషయం అఫీషియల్‌గా బయటకు వచ్చినప్పటి నుండి.... అమలాపాల్ విజయ్‌పై తకు ఉన్న ప్రేమను తన ఫేస్ బుక్ పేజీ ద్వారా బయట పెడుతోంది.  ఇప్పుడు అమలాకు మొగుడు కష్టాలువచ్చాయి.  ప్రేమించుకున్నప్పుడు కులం, మతం అడ్డం రావు. అయితే, పెళ్లి దగ్గరకు వచ్చేటప్పుడే ఈ అడ్డంకి ఎదురవుతోంది.

అమలాపాల్ పెళ్లి విషయంలో కూడా ఈ మతం సమస్య వచ్చిపడింది. తమిళ దర్శకుడు ఏ.ఎల్. విజయ్ ని ఈ అమ్మడు ప్రేమించిన సంగతీ, జూన్ 12న మనువాడనున్న సంగతీ మనకు తెలిసిందే. అయితే, ఇప్పుడు వీరి పెళ్ళికి మతం అడ్డం వస్తుంది.  

అమల క్రిస్టియన్ కాగా, విజయ్ హిందూ మతానికి చెందిన వాడు.  దీంతో, అమలా తల్లిదండ్రులు క్రిస్టియానిటీలోకి మారమంటూ విజయ్ పై ఒత్తిడి తెస్తున్నట్లు తెలుస్తోంది. అందుకు అతను మాత్రం ససేమిరా అంటూ భీష్మించుకుని కూర్చున్నాడు. దీంతో  అమాలకు  మొగుడు కష్టాలు అప్పడే మొదలైనట్లు తెలుస్తోంది. 

ఆర్ఎస్