ఎవ్వరైనా పరవాలేదు అంటున్న అమలా పాల్

Posted: 03/18/2014 09:42 AM IST

సినిమా పరదా మీద అందాలను ఆరబోసే విషయంలో ఉదార భావాలు గల హీరోయిన్ అమలా పాల్ హీరోల విషయంలో కూడా అలాగే అంటోంది- హీరో ఎవరైనా పరవాలేదు అని. 

స్నేహం ఎప్పుడైనా నీకంటే ఎక్కువ తెలివైనవాడితో చెయ్యాలని అంటారు పెద్దలు.  అది సినిమాల్లో సహ నటుల విషయంలో కూడా వర్తిస్తుంది.  ఎక్కువ పేరు, ఆదరణ ఉన్నవాళ్ళతో నటిస్తూ అవన్నీ వీళ్ళకి కూడా కాస్త అంటుకునే అవకాశం ఉంటుంది.  అందువలన ఈ సూత్రాన్నెరిగిన హీరోయిన్లు ఈ మధ్యకాలంలో ఎక్కువ హిట్లున్న హీరోలతో చెయ్యటానికి సిద్ధపడుతున్నారు.  దాని వలన వాళ్ళ పారితోషికం కూడా పెరిగే అవకాశం ఉంటుందన్నది మరో ఆలోచన.  మరికొందరు సీనియర్ నటులతో ఆడిపాడటానికి ఇష్టపడటం లేదు.  చేసేది నటనే అయినా యువకులతో చేస్తే ఆ రొమాన్స్ వేరుగా ఉంటుంది. 

కానీ అమలా పాల్ స్క్రిప్ట్ బావుండాలి కాని ఏ హీరో అయినా ఒకటే అంటోంది.  వస్తా నీ వెనుక అనే సినిమాలో రైడ్ సినిమా దర్శకుడు రమేష్ వర్మ దర్శకత్వంలో ఏదో రెండు సినిమాలు చేసిన హవీష్ తో నటించటానికి సిద్ధపడటం సినీ ప్రపంచంలో చెవులు కొరుక్కునేట్టుగా చేస్తోంది.  ఈ రోజు వచ్చే డబ్బుల కోసం భవిష్యత్తుని పణంగా పెడుతోంది చూసారా అనుకుంటున్నారు.  కానీ అమలాపాల్ మాత్రం వాటిని ఖాతరు చెయ్యటం లేదు.  ఏ హీరో అయినా నాకు సమ్మతమే అంటోందామె. 

ఆమె జీవితం, ఆమె ఇష్టం కదా అని ఊరుకోరు సినీ పరిశ్రమలో వాళ్ళు.  అమలా పాల్ కి స్క్రిప్ట్ లో తన పాత్ర తెగ నచ్చేసిందట.  ప్యారిస్ నుంచి భారత్ కి వచ్చి ప్రేమా గీమా జాన్తా నై అనే పాత్రట ఆమెది!

-శ్రీజ