రాధాతో దర్శకుడు మారుతి సెంటిమెంట్?

Posted: 02/06/2014 07:46 PM IST

Director maruthi sentiment in radha movie

అతి తక్కువ సమయంలో ప్రముఖ దర్శకుల లిస్టులో చేరిపోయిన యువ దర్శకుడు మారుతికి ఇప్పుడు సెంటిమెంట్ తో ముందుకు పోతున్నాడు. తక్కువ బడ్జెట్ తో సినిమాలు తీసి నిర్మాతలకు కాసుల వర్షం కురిపిస్తున్న దర్శకుడిగా టాలీవుడ్ లో పేరు తెచ్చుకున్నాడు. అయితే ఈరోజు రాధాతో కలిసి .. తన సెంటిమెంట్ ను బయటపెట్టుకున్నారు. రాధా అంటే ఎవరో కాదులేండి.. టాలీవుడ్ విక్టరీ వెంకటేష్, మారుతి దర్శకత్వంలో రాధా అనే చిత్రం షూటింగును ఈరోజు ప్రారంభించారు. ముహూర్తపు సన్నివేశానికి దర్శకుడు మారుతి, వి.వి. వినాయక్ క్లాప్ కొట్టారు. ఈ కార్యక్రమానికి నిర్మాతలు రామానాయుడు, అల్లు అరవింద్, దర్శకుడు గోపిచంద్, కోనవెంకట్ తదితరులు హాజరయ్యారు.

అయితే ఇక్కడే దర్శకుడు మారుతీ సెంటిమెంట్ ఏమిటో బయటపడింది. ఆయన సెంటిమెంట్ ఏమిటంటే.. తన పేరు మార్చుకున్నాడు. అంటే కొత్త పేరు పెట్టుకోలేదుగానీ, తన పేరునే కాస్త సరికొత్తగా మార్చుకున్నాడు. అంటే మారుతి( maruthi) అని గతంలో ఉండేది. కానీ రాధా చిత్రంతో ఆయన పేరు ఇప్పుడు మారుతీ(maruthee ) గా మార్చుకున్నాడు. ఈ సినిమా దర్శకుడు మారుతీకి నాలుగో సినిమా కావటం, వెంకటేష్ నయనతార కాంబినేషన్ లో వస్తున్న చిత్రం కాబట్టి తన పేరును మార్చుకున్నట్లు ఫిలింనగర్ వర్గాలు అంటున్నాయి. రాధా సినిమా వాల్ పేపర్ల పై కూడా దర్శకుడు మారుతీ అని ఉంటాడం విశేషం.

అయితే ఇంత సడన్ గా పేరును మార్చుకున్నారని సినీ పెద్దలు అడగటంతో.. దర్శకుడు మారుతి నవ్వుతూ.. తానేమిటో రుజువు చేసుకోవటానికే అని చెప్పటం జరిగింది. అంటే గతంలో మారుతిని బూతు దర్శకుడిగా టాలీవుడ్ లో కొంత మంది గుర్తించిన విషయం తెలిసిందే. ఇక నుండి అలాంటి వాటికి దూరంగా ఉండాలనే ఉద్దేశంతోనే తన పేరును మార్చుకోవటం జరిగిందట. అదీ కూడా న్యూమరాలజీ ప్రకారం తన పేరును కాస్త మార్చుకున్నట్లు ఈ యువ దర్శకుడు చెప్పటం జరిగింది. ఇక దర్శకుడి మారుతీలో రాధా సెంటిమెంట్ ఎలా ఉంటుందో చూడాలి. అయిన సినిమావాళ్లకి ఇలాంటి సెంటిమెంట్ ఉండటం సహజమే అని సినిజనాలు అంటున్నారు.

-ఆర్ఎస్