పవన్ కళ్యాణ్ రూపాయి తీసుకోవడం లేదు ?

Posted: 12/24/2013 01:35 PM IST

Pawan no remuneration for gabbar singh 2

గబ్బర్ సింగ్ , అత్తారింటికి దారేది చిత్రాలు సూపర్ హిట్ కావడంతో పవన్ కళ్యాణ్ రేంజ్, ఇమేజ్ ఎక్కడికో వెళ్లిపోయాయి. ఎంతలా అంటే ‘పవనిజం ’ రేంజ్ లో. ఈయనకు ఇంత క్రేజ్ రావడానికి కేవలం సినిమా హిట్లే కాదు.. ఈయన మంచి తనం కూడా. ఇక రెమ్యునరేషన్ విషయానికి వస్తే కూడా ఈయనే టాప్.

ప్రస్తుతం టాలీవుడ్ లో భారీ మొత్తం తీసుకుంటున్న హీరోగా కూడా పేరుంది. దాదాపు 16 నుండి 20 కోట్ల వరకు తీసుకుంటున్నాడని ట్రేడ్ వర్గాల సమాచారం. గబ్బర్ సింగ్ టైంలో దాదాపు 18 కోట్లు తీసుకున్నాడని అంటే... ఇప్పుడు దానికి సీక్వెల్ గా వచ్చే ‘గబ్బర్ సింగ్ 2 ’ ఇంకెంత తీసుకుంటాడో అనుకున్నారు. కానీ ఆశ్చర్యకరమైన విషయం ఏంటంటే... గ‌బ్బర్ సింగ్ 2 కోసం ప‌వ‌న్ ఇప్పటి వ‌ర‌కూ చిల్లిగ‌వ్వ పారితోషికం కూడా తీసుకోలేద‌ట‌.

ఈ సినిమా త‌న స్నేహితుడు శ‌ర‌త్ మ‌రార్ కి ఎప్పుడో ఇచ్చిన మాట‌కు క‌ట్టుబ‌డి ప‌వ‌న్ ఈ సినిమా చేస్తున్నాడని అంటున్నారు. కానీ..... నైజాం హ‌క్కుల్ని మాత్రం త‌న‌కే కావాల‌ని తన ఫ్రెండ్ కి చెప్పాడట. పవన్ సినిమాకు నైజాం ఏరియాలో ఫుల్ కలెక్షన్లు వస్తాయి. అందుకే దానికి హక్కుల్ని ఇవ్వాలని ఖండిషన్ పెట్టాడట. అత్తారింటికి దారేది సినిమాకి గానూ నైజాంలో దాదాపు రూ.20 కోట్లు వ‌సూళ్లు ద‌క్కాయ‌ని తెలిసింది.

ఈ లెక్కన చూసుకుంటే పవన్ అందరికంటే ఎక్కువే తీసుకుంటున్నాడని అనుకోవచ్చు. కానీ కొంతమంది మాత్రం పేరుకు రెమ్యునరేషన్ తీసుకోవడం లేదని ప్రచారం చేసి, ఆయన్ను హైలైట్ చేస్తున్నారని, అంత ఉదారత ఉన్నవాడు అయితే ఏరియా హక్కుల్ని కూడా కూడా తీసుకోకూడదని అంటున్నారు. అటు స్నేహితుడికి ఇచ్చిన మాట నిల‌బెట్టుకొంటూనే, సైలెంటుగా రూ.20 కోట్లు గుంజుతున్నాడని అంటున్నారు.