తెలంగాణ పంచాయితీలో పవన్ కళ్యాణ్ కు ఓటు?

Posted: 12/09/2013 11:37 AM IST

టాలీవుడ్ పవర్ స్టార్ పవన్ కళ్యాణ్ కు తెలంగాణ లో ఓటు హక్కు ఉన్నట్లు బయటపడింది. ఇప్పటి వరకు టాలీవుడ్ కే పరిమితమైన పవన్ కళ్యాణ్ పేరు..ఇప్పుడు తెలంగాణలోని ఆదిలాబాద్ జిల్లా వరకు వెళ్లింది. సహజంగా ఓటర్ కార్డులో పేర్లు, తప్పులు పడతాయి. లేదా.. ఓటే లేకుండా పోవటం సహజంగా జరుగుతాయి. అలాంటిది టాలీవుడ్ లో ఉన్న పవర్ స్టార్ పవర్ కళ్యాణ్ కు.. ఆదిలాబాద్ జిల్లా శ్రీరాం పూర్ మండలం నన్పూర్ పంచాయితీలో ఓటు ఉన్నట్లు అధికారులు గుర్తించారు.

 

నన్పూర్ కార్యాలయసిబ్బంది ఓటరు జాబితా తనిఖీలు చేస్తుండగా ఈ విషయం తెలిసింది. వివరాల ప్రకారం పంచాయతీపరిధి లోని నన్పూర్ కాలనీ లోని దేవి లచ్చయ్య ఓటు హక్కు ఉంది. అయితే అతని ఫోటో కు బదులు పవన్ కళ్యాణ్ ఫోటో దర్శనమిచ్చింది. గతంలో ఐశ్వర్య రాయ్, కుక్కపిల్ల, కొత్తిమీర వంటి పెర్లతో ఓటు హక్కు నమోదు చేస్తున్నారు.

 

అయితే ఇలాంటి తప్పులు ఎందుకు జరుగుతున్నాయి అనే దానిపై అధికారులు ద్రుష్టిపెట్టారు. ఇలాంటి తప్పులు జరకుండా అధికారులు చర్యలు తీసుకునేందుకు సిద్దమవుతున్నారు. ఓటరు యొక్క వివరాలను .. నమోదు చేసేటప్పుడే ఇలాంటి ఘారమైన తప్పులు జరుగుతున్నాయాని ప్రజలు అంటున్నారు.