పవన్ అర్థసెంచరీ సీక్రెట్ ఇదేనా?

Posted: 11/16/2013 11:18 AM IST

టాలీవుడ్ లో దుమ్ము రేపి, కాసుల వర్షం కురిపిస్తూ, రికార్డులను తిరగరాసే పవర్ ఒక పవన్ కళ్యాణ్ కు ఉందనే విషయం తెలిసిపోయింది. వీడు ఆర‌డుగుల బుల్లెట్టు.. ధైర్యం విసిరిన రాకెట్టు అంటూ అంటూ అందరి ఆశలను ఆకాశానికి తీసుకెళ్లింది పవర్ స్టార్ పవన్ కళ్యాణ్ రాకెట్టు. అయితే టాలీవుడ్ నిర్మాత కన్ను పవర్ స్టార్ పవన్ కళ్యాణ్ పై పడింది. అత్తారింటికి దారేది సినిమాతో నిర్మాత .. నిండు కుండలాగా ఉన్నాడు. పవర్ స్టార్ పవన్ కళ్యాన్ తో మరో సినిమాకైన సై అంటున్నడని టాలీవుడ్ సమాచారం. అయితే కొంత మంది నిర్మాత మాత్రం అత్తారింటికి దారేది అర్థసెంచరీ వెనుక ఉన్న సీక్రెట్ పై ఆరాతీస్తున్నారు.

 

పవన్ సినిమా రిలీజ్ కు ముందు జరిగిన కొన్ని విషయాలు ఇలా ఉన్నాయి. సినిమా విడుద‌ల‌కు ముందే.. టెర్రిఫిక్ పాజిటివ్ ఇంప్రెష‌న్ సంపాదించుకుంది. అయితే విడుద‌ల విష‌యంలో మాత్రం పైర‌సి రూపంలో చాలా ఇబ్బందినే ఫేస్ చేసింది. అయిన అత్తారింటికి దారేది సినిమా అర్థసెంచరీ ఎలా సాధించింది? అనే దాని పై కొంతమంది తీవ్రంగా పరిశోదన చేసి, కొన్ని విషయాలు తెలుసుకోని టాలీవుడ్ లోకి వదిలినట్లు సమాచారం. అంద‌రి అంచ‌నాల్ని తారుమారు చేసి.. ఆల్ టైమ్ బాక్సాఫీస్ రికార్డ్ ను త‌న ఖాతాలో వేసుకుంది. ఒక రొటీన్ కథ‌ను .. తెలుగు వారికి ఇష్టమైన ..ప‌ప్పు..ఆవ‌కాయ,.నెయ్యి భోజ‌నం లాగా .. వండి వార్చాడు దర్శకుడు త్రివిక్రమ్. క‌ట్ చేస్తే బొమ్మ విజ‌యవంతంగా అర్థ సెంచ‌రీ కొట్టింది. మ‌గ‌ధీరతో రామ్ చ‌ర‌ణ్ క్రియేట్ చేసిన ఆల్ టైమ్ బాక్సాఫీస్ రికార్డ్ ను .. ప‌వ‌ర్ స్టార్ మూడు వారాల్లో ఓవ‌ర్ టేక్ చేసినట్లు టాలీవుడ్ వర్గాలు అంటున్నాయి.

 

అయితే ఇప్పటికి అత్తారింటికి దారేది సినిమాకు డిమాండ్ తగ్గలేదని మూవీ దియేటర్ల ఓనర్స్ అంటున్నారు. ఇక్కడ ..అక్కడ అని కాదు..విడుద‌లైన ప్రతిచోట‌.. అత్తారింటికి దారేది చిత్రం బాక్సాఫీస్ ను షేక్ చేస్తూనే ఉంది. ఇప్పటికీ ఈ సినిమా వ‌సూలు నిల‌క‌డ‌గా ఉన్నాయంటే.. ప‌వ‌ర్ స్టార్..త్రివిక్రమ్ లు చేసిన మ్యాజిక్ సాధార‌ణ‌మైనది కాదు మ‌రి. పవనిజం అంటే ఇలాగే ఉంటుందా అని టాలీవుడ్ లో కొంత మంది నిర్మాతలకు అర్థమైందని పవన్ స్టార్ అభిమానులు అంటున్నారు. గబ్బర్ సింగ్ తో నిర్మాత బండ్ల గణేష్, అత్తారింటికి దారేది సినిమాతో నిర్మాత బబి.వి.ఎస్ ప్రసాద్ లకే పవనిజం పవర్ తెలుసునని మెగా అభిమానులు అంటున్నారు.