షారుఖ్ లుంగీడ్యాన్స్ కి గీమా పురస్కారం

Posted: 01/21/2014 02:52 PM IST

దక్షిణాదివారి లుంగీ, సాంబార్లను వెక్కిరించే హిందీ సినిమా ప్రేక్షకులకు ఉత్తరాదిన వెలిసిన రెస్టారెంట్ల పుణ్యమా అని సాంబారు రుచి ఎప్పుడో తగిలింది.  ఇక చెన్నై ఎక్స్ ప్రెస్ లోని లుంగీ డ్యాన్స్ ఇప్పుడు విపరీతమైన ఆదరణను చూరగొన్నది. 

దేశం నలుమూలలా ఈ లుంగీ డ్యాన్స్ పాట చేరుకోవటమే కాకుండా రేడియో ఎఫ్ఎమ్ లలో అన్నిటికన్నా ఎక్కువగా కోరుకున్న పాటగా దీనికి పురస్కారం కూడా లభించింది. 

ముంబైలోని నేషనల్ స్పోర్ట్స్ క్లబ్ లో జరిగిన వేడుకలో విశేషాదరణ పొందిన లుంగీ డ్యాన్స్ కి గీమా 2014 పురస్కారం లభించింది.  శ్రోతలు మళ్ళీ మళ్ళీ ఈ పాటనే కోరుకుని పురస్కారం వచ్చేట్టుగా చేసిన ఈ పాటకు విశాల్ శేఖర్ స్వరకల్పన చేయగా, యోయో హనీ సింగ్ గానం చేసారు.  షారుఖ్ ఖాన్, దీపికా పదుకొణెల జంటతో రూపొందిన చిత్రం చెన్నై ఎక్స్ ప్రెస్ కూడా ఎన్నో రికార్డ్ లను తిరగరాసింది.  

పూర్వకాలం హైద్రాబాద్ మూలాలుగల కమెడియన్ మెహమూద్ కూడా దక్షిణాది యాసతో దక్షిణాది కట్టూబొట్టుతో, 'హమ్ కాలే హైతో క్యాహువా దిల్ వాలే హై' అనేపాటతో హిందీ సినీ ప్రేక్షకులను అలరించారు.

-శ్రీజ