Posted: 11/15/2012 12:30 PM IST

సినిమా ఇండస్ట్రీలో ఫైనాన్స్ సమస్యలతో ఎన్నో సినిమాలు విడుదల కాకుండా ల్యాబ్ లలో పడి ఉన్నాయి. వాటి విషయం ప్రక్కన పెడితే... టాలీవుడ్ అగ్ర హీరో అయిన నాగార్జున సినిమాలు ఇంత వరకు ఆయన సినీ కెరిరీర్ లోనే వాయిదా పడ్డ సందర్భాలు చాలా తక్కువ. కానీ ఆయన తాజాగా నటించిన ఢమరుకం సినిమా మాత్రం మూడు సార్లు వాయిదా పడింది. దీనికి ఆర్థిక సమస్యలే కారణం అనేది స్పష్టమైంది. అయితే ఈ సినిమాకు సంబంధించిన కొన్ని నిజాలు బయటకు వచ్చాయి. వీటిలో నిజమెంతో అబద్దమెంతో తెలియదు కానీ, ఫిలింనగర్ జనాలు మాత్రం తెగ చెప్పుకుంటున్నారు. ప్రముఖ సినీ ఫైనాన్సియర్ సత్య రంగయ్య తనకు రావాల్సిన రూ. 10కోట్ల కోసం పేచీ పెట్టాడని, సినిమా విడుదల కాకుండా చేసాడని తెలుస్తోంది. నిర్మాత దగ్గర అంత డబ్బు లేక పోవడంతో నాగార్జున తాను తీసుకున్న రూ. 5 కోట్లు వెనక్కి ఇచ్చేసాడని, యూఎస్ నుంచి రావాల్సిన ఫండ్స్ వస్తే మ్యాటర్ సెటిల్ చేద్దామని ట్రై చేసినా అవి అందక పోవడంతో ఈ నెల 10న సినిమా విడుదల కాలేదని అంటున్నారు. నాగార్జున వెనక్కి ఇచ్చిన డబ్బు, యూస్ నుండి రావాల్సిన డబ్బు అందటంతో వివాదం సద్దుమణిగిందట.

ఈ వ్యవహారాన్ని అంతా  సెటిట్ చేసిన నాగార్జున ఈ చిత్రాన్ని ఈనెల 23వ తేదీన విడుదల చేయడానికి సన్నాహాలు చేస్తున్నట్లు వార్తలు. నాగార్జున తీసుకున్నరెమ్యునరేషన్ తిరిగి ఇచ్చేశాడంటే.... ఈ సినిమాకు వచ్చే లాభాల్లో వాటా ఆశించే ఇలా చేసి ఉంటాడని అంటున్నారు.