Posted: 11/15/2012 12:22 PM IST

బొద్దుగుమ్మ నమిత తన భారీ అందాలతో ప్రేక్షకుల మనస్సును దోచుకొని, తనకంటూ ఓ ప్రత్యేకమైన గుర్తింపు సంపాదించుకున్న ఈ భామకు ఈ మధ్యన పెద్దగా అవకాశాలు రావడం లేదు. ఇటు టాలీవుడ్, కోలీవుడ్ లో నటించిన ఈ భామ త్వరలో సినిమాలకు స్వస్తి చెప్పి, రాజకీయ అరంగ్రేటం చేయబోతున్నట్లు సమాచారం. సాధారణంగా హీరోయిన్లకు అవకాశాలు రాకపోతే, పెండ్లి చేసుకొని చక్కగా సంసారం చేసుకుంటారు. కానీ అందరికి భిన్నంగా నమిత రాజకీయాల్లో చేరి తన అదృష్టాన్ని పరీక్షించుకోవాలని  అనుంటుంది. ఈమె త్వరలో బీజేపీ పార్టీలో చేరేందుకు రెఢీ అవుతున్నారు.

బీజేపీలో చేరి తమిళనాడు రాజకీయాల్లో ఓ వెలుగు వెలగాలని చూస్తుందట. ఈ నేపథ్యంలో ఆమె బీజేపీ సభ్య త్వం తీసుకోనున్నట్లు కోలీవుడ్‌లో వార్తలు వెలువడుతున్నాయి.గుజరాత్ ముఖ్యమంత్రి నరేంద్ర మోడీ సూచన మేరకు ఆమె బీజేపీలో చేరడానికి సిద్ధత వ్యక్తం చేసినట్లు తెలుస్తోంది. తమిళనాడులో బీజేపీకి ఏ మాత్రం ఆదరణ లేదు. అక్కడ ఒక్క స్థానానమైనా దక్కించుకోవాలని చూస్తుంది బీజేపీ. నమితకు తమిళనాడులో మంచి ఫాలోయింగ్ ఉంది కాబట్టి ఈమె చేరికతో బీజీపీ దశ తమిళనాడులో మారుతుందని అక్కడి రాజకీయ వర్గాలు అంటున్నాయి. నమిత కూడా బీజేపీ నుండి గెలిచి చరిత్ర స్రుష్టించాలని భావిస్తుందట. మరి నమిత తెర పై అందాలు ఆరబోస్తే చూడటానికి ఎగబడే జనాలు ఎన్నికలలో నిలబడితే ఓట్లు వేస్తారో లేదో తెలియదు కానీ, ఈమె లాగే సినిమాలకు స్వస్తి చెప్పి, రాజకీయాల్లోకి ఏదో పొడుద్దామని వచ్చిన సినిమా వాళ్ల సంగతి నమిత గుర్తు తెచ్చుకొని రాజకీయ ప్రవేశం చేస్తే మంచిదేమో.