Posted: 08/30/2012 09:32 PM IST

టాలీవుడ్ హీరోలలో చాలా కష్టపడి పైకి వచ్చిన వాళ్ళలో రవితేజ ఒకరు. ఈయన లేటు వయస్సులో హీరోగా ఇచ్చినా అనతి కాలంలోనే తన నటనతో, యాక్షన్ తో ప్రేక్షకుల గుండెల్లో ‘మాస్ మహా రాజా ’ పేరు తెచ్చుకున్నాడు. ఈ బిరుదు రావడానికి రవితేజ చాలా కష్టపడ్డాడు. టాప్ హీరోలలో ఒక్కడిగా పేరు తెచ్చుకున్నాడు. కానీ ఏం లాభం ? ఒకప్పుడు రవితేజ సినిమాలంటే ఎగబడి కొనే బయ్యర్లు ఇప్పుడు మాస్ రాజా సినిమా అంటే కొనడానికి జంకుతున్నారని ఫిలింనగర్ టాక్. ప్రస్తుతం రవితేజ నటిస్తున్న ‘సార్ వస్తారు ’ చిత్రానికి బయ్యర్లు కరువయ్యారట.

దీనికి కారణం ఇటుకా ఇటుకా కష్టపడి పేర్చి మంచి హీరోగా పేరు తెచ్చుకున్న రవితేజ కాసులకు కక్కుర్తి పడి ఇప్టం వచ్చిన సినిమాలు ఒప్పుకొని ఉన్న క్రేజ్ ని పోగొట్టుకోవడమే కాకుండా, ఈ మధ్య  రవితేజ నటించిన దొంగల ముఠా, వీరా, నిప్పు, దరువు, దేవుడు చేసిన మనుషులు ఈ ఐదు చిత్రాల వరుస ఫ్లాప్‌లు కావడంతో, టాలీవుడ్ మార్కెట్లో రవితేజ దూకుడు బ్రాండ్ వాల్యూ తగ్గిందనే చెప్పాలి,  ఇప్పుడున్న పరిస్థితిని బట్టి రవితేజ సినిమా కొనడానికి బయ్యర్లు బయపడతున్నారని అనుకుంటున్నారు.