Posted: 08/09/2012 09:28 PM IST

ప్రభుదేవాతో విఫల ప్రేమాయణం తర్వాత నయనతార , శింబుల మధ్య తిరిగి వలపు చిగురించిందని తమిళ మీడియాలో వార్తలు వెలువడ్డాయి. అయితే ఇవన్నీ అర్థంలేని వార్తలని కొట్టి పారేసింది నయనతార. అంతేకాదు శింబు తనకు ఇప్పటికీ మంచి మిత్రుడని ప్రకటించింది.ఈ విషయమై ఈ సుందరి స్పందిస్తూ ‘మీడియాలో వస్తున్న వార్తలన్నీ అర్ధం లేనివి. ప్రస్తుతం వరుస సినిమాలతో నేను బిజీగా వున్నాను. ఇప్పటికైతే సినిమాయే నాకు ప్రపంచం. గతంలో వున్న సాన్నిహిత్యం దృష్ట్యా శింబు కలిస్తే ఆప్యాయంగా పలకరిస్తాను. అంతే తప్ప మా ఇద్దరి మధ్య ఎలాంటి సంబంధం లేదు’ అని తెలిపింది.

నయనతార తనకు మంచి మిత్రురాలని, ఇద్దరి మధ్య ఎలాంటి రొమాంటిక్ రిలేషన్ లేదని శింబు వివరణ ఇచ్చాడు. ఒకే వృత్తిలో వుంటున్నప్పుడు కలుసుకోవడం మామూలేనని, నయనతార కలసినప్పుడు ఇద్దరి మధ్య సినిమాల ప్రస్తావన తప్ప వ్యక్తిగత విషయాలు చర్చకు రావని శింబు వ్యాఖ్యానించాడు. ‘ఇద్దరం విడిపోయాం, సంతోషకరంగా జీవితాన్ని గడుపుతున్నాం. మా ఇద్దరి మధ్య జీవితకాలం కలహించుకునే శత్రుత్వమేమీ లేదు’ అని శింబు తనదైన శైలిలో స్పందించాడు.