Posted: 08/09/2012 09:23 PM IST

అతిచిన్న వయస్సులో సినిమా హీరోయిన్ గా ఎంట్రీ ఇచ్చి అనతి కాలంలోనే తనకంటూ ఓ ప్రత్యేక స్థానం సంపాదించుకున్న హన్సిక వయస్సు చిన్నదైనా మనస్సు మాత్రం చాలా పెద్దది అని తెలుస్తుంది.  పెద్ద పెద్ద మెగాస్టార్లు, స్టార్ హీరోయిన్లు, బడా నిర్మాతలు చేయలేని పనిని చాలా సింపుల్ గా చేసి చూపుతోంది ఈ అమ్మాయి. 20 ఏళ్ల వయసులోనే తన సేవా దృక్పథంలో 22 మంది చిన్నారులకు చ్చింది. తన 20 వ పుట్టినరోజు సందర్భంగా హన్సిక దత్తత తీసుకొన్న చిన్నారుల సంఖ్య 22 కి చేరింది.

' ఆ పిల్లలు తమ తల్లిదండ్రులతో పాటే ఉంటారు. వారి చదువుకోసం, పోషణ కోసం నేను డబ్బు అందజేస్తంటా...'అని హన్సిక పేర్కొంది. చదువుతోపాటు ఈ పిల్లలకు అవసరమైన ఇతర సదుపాయాలను కూడా సమకూరుస్తున్నారు. తన పుట్టినరోజు ఈనెల9న సందర్బంగా మరో ఇద్దరు పిల్లలను దత్తత తీసుకుంటున్నారు. గత ఏడాది దత్తత తీసుకున్న 20 మంది పిల్లలుకు కల్పించిన వసతులనే ఈ పిల్లలకు కూడా కల్పిస్తున్నారు. హన్సిక మాట్లాడుతూ, పిల్లలమీద మమకారంతో వారిని చదివిస్తున్నానని, భవిష్యత్తులో వృద్ధాశ్రమం ఏర్పాటు చేయాలన్నది తను అనుకొంటున్నట్లు పేర్కొంది. ప్రస్తుతం చేస్తున్న చిత్రాల గురించి చెబుతూ.. తెలుగులో విష్ణు సరసన 'దేనికైనా రెడీ', నాగచైతన్యతో ఓ సినిమా, తమిళంలో సేట్టరు, వేట్టరుమన్నన్‌, వాలు, సింగమ్‌- 2 చిత్రాల్లో నటిస్తున్నాను. ప్రయోగాత్మక పాత్రలు కూడా చేస్తానని చెప్పారు.