Posted: 02/09/2012 08:51 PM IST

ఇలియానా తాజాగా మరో వివాదంలో చిక్కకుంది. గత ఏడాది 'శక్తి' సినిమాకు సంబంధించి వివాదంలో ఇరుక్కున్నఇల్లీ  మరో కాంట్రవర్సీకి కేంద్రబిందువు అయ్యింది. ఓ  తమిళ సినిమాకు తీసుకున్న అడ్వాన్స్‌ను చెల్లించకపోవడంతో ఆ సినిమా నిర్మాత గోవాభామపై నిర్మాతల మండలిలో ఫిర్యాదు చేశాడు. జూనియర్‌ ఎన్టీఆర్‌ 'శక్తి' సినిమా నిర్మాణంలో ఉండగానే అనుచిత వ్యాఖ్యలు చేసి ఇలియానా వివాదంలో కూరుకుపోయిన విషయం తెలిసిందే. విక్రమ్‌ హీరోగా నిర్మించే చిత్రంలో ఇలియానాను కథానాయికగా బుక్‌ చేస్తూ తమిళ నిర్మాత మోహన్‌నటరాజన్‌ 50 లక్షలను అడ్వాన్స్‌గా చెల్లించారు. అయితే ఆ తర్వాత కొన్ని కారణాల వల్ల ఆ ప్రాజెక్ట్‌ ఆగిపోయింది. కానీ ఇలియానా మాత్రం తీసుకున్న అడ్వాన్స్‌ను తిరిగి చెల్లించలేదు.

రెండు హిందీ సినిమాలతో పాటు తెలుగులో అల్లు అర్జున్‌ సినిమాలో హీరోయిన్‌గా నటిస్తున్న బార్ఫీ డాల్ అడ్వాన్స్‌ తిరిగి చెల్లించమని అడిగినప్పటికీ సరైన స్పందన కరువైందని మోహన్‌ నటరాజన్‌ అంటున్నారు. అందుకే తమిళ నిర్మాతల మండలిలో ఇలియానాపై ఫిర్యాదు చేసినట్లు తెలిపారు. వీలయినంత త్వరలో ఆమెపై యాక్షన్‌ తీసుకుని తనకు న్యాయం చేయాలని మండలిని వేడుకుంటున్నారు నటరాజన్‌. ఈ విషయమై వివరణ ఇవ్వడానికి ఇలియానా అందుబాటులో రాకపోవడం విశేషం.