Posted: 02/09/2012 08:54 PM IST

వంశీ రూపొందించిన 'అనుమానాస్పదం' చిత్రంతో పరిచయమైన ముద్దుగుమ్మ హంసానందిని. జగపతిబాబు సరసన 'అధినేత', 'ప్రవరాఖ్యుడు' సినిమాల్లో నటించిన ఆమె శ్రీహరితో 'అహ నా పెళ్లంట' సినిమా చేసి, ఇప్పుడు ఆయన సరసనే 'టీ.. సమోసా.. బిస్కెట్' సినిమా చేస్తోంది. అలాగే రానా సినిమా 'నా ఇష్టం', రాజమౌళి సినిమా 'ఈగ'లోనూ ఆమె ప్రాముఖ్యం ఉన్న కేరక్టర్లు చేస్తోంది.
రాజమౌళి సినిమాలో తొలిసారి నటిస్తున్నందుకు ఎలా ఫీలవుతున్నారని అడిగితే "నటి అయిన తర్వాత ప్రతి ఒక్కరికీ ఫలానా రోల్ చెయ్యాలి, ఫలానా హీరో సరసన చెయ్యాలి, ఫలానా దర్శకుడితో చెయ్యాలి.. అనే కోరికలుంటాయి. నాకు కూడా రాజమౌళి వంటి సెన్సేషనల్ డైరెక్టర్ తో పనిచెయ్యాలని ఉండేది. ఆయన నుంచి కబురు రాగానే నేను ఉక్కిరిబిక్కిరయ్యా. క్షణంపాటు ఇది కలా నిజమా అనిపించింది.

నా గత చిత్రాల్ని చూసిన ఆయన 'ఈగ'లో నటించే ఛాన్స్ కల్పించారు. ఆయన దర్శకత్వంలో పనిచేయడం నిజంగా అపూర్వమైన అనుభవం. ఆర్టిస్టులో ఉండే నటనను బాగా రాబట్టుకునే దర్శకుడు రాజమౌళి. నా నుంచి ఏం తీసుకోవాలో ఆయనకు బాగా తెలుసు. అయితే 'ఈగ'లో నా కేరక్టర్ ఏమిటనేది మాత్రం ఇప్పుడే చెప్పను. అది తెరమీద చూస్తేనే అందం" అంటోంది హంసానందిని.