ఢిల్లీలో కేసిఆర్- టీఆర్ఎస్ లీడర్స్ పరుగులు

Posted: 08/28/2013 10:04 AM IST

గత రెండు రోజుల నుంచి హస్తినలో కేసిఆర్ చకర్లు గొడుతున్నారు. ఆహార భద్రత చట్టం సమయంలో ఓటు వేయటానికి పార్లమెంట్ కు వెళ్లిన కేసిఆర్ ఓటు వేసాడో లేదో తెలియదు గానీ.. ఢిల్లీ పెద్దలతో మాత్రం మంతనాలు జోరుగా చేస్తున్నారని లోకల్ మీడియా వర్గాలు అంటున్నాయి. అయితే రీసెంట్ కొంతమంది టీఆర్ఎస్ పార్టీ ముఖ్య నాయకులు కూడా హస్తీనకు వెళ్లడంతో కొత్త అనుమానాలు రెకేత్తున్నాయి. అంతేకాకుండా టీఆర్ఎస్ ఎమ్మెల్యే కేటిఆర్ చేసిన వ్యాఖ్యలు తెలంగాణ ప్రజలను అయోమయంలో పడేసాయి. తెలంగాణ బిల్లు పెట్టే వరకు కాంగ్రెస్ పార్టీని నమ్మలేమని, టిఆర్ఎస్ పార్టీని కాంగ్రెస్ పార్టీలో విలీనం చేసే ప్రసక్తి లేదని కేటిఆర్ చెప్పటం.. తెలంగాణ ప్రజలకు మరింత అనుమానం బలపడిందని అంటున్నారు. గతంలో కేసిఆర్ సకలజనుల సమ్మె 44 రోజులు జరిగిన సమయంలో రెండు వారాలు పాటు ఢిల్లీలో ఉండి, ఢిల్లీ పెద్దలతో ఆర్థిక చర్చలు జరిపినట్లు అప్పుట్లో మీడియా వార్తలు వచ్చాయి. ఢిల్లీ నుండి వచ్చిన వెంటనే సకలజనుల సమ్మె పై నీళ్లు చల్లిన విషయం తెలంగాణ ప్రజలు గుర్తుచేస్తుకుంటున్నారు. ఒక పక్క సమైక్యాంద్ర ఉద్యమం ఉవ్వెత్తున ఎగిసిపడుతున్న సమయం, రాష్ట్ర విభజనను ఎలాగైన అడ్డుకోవాలని సీమాంద్ర ప్రజలు నాయకులు ఢిల్లీ పెద్దలతో చర్చలు జరుపుతున్న సందర్భంలో.. కేసిఆర్ ఢిల్లీలో ఉండటంపై అనేక అనుమానాలు వినిపిస్తున్నాయి. రాష్ట్ర విభజన పై కేంద్రం వెనకడుగు వేసే ప్రయత్నంలో బిజీగా ఉన్నట్లు సీమాంద్ర నాయకులు అంటున్నారు. అయితే కేసిఆర్ మాత్రం తమ పార్టీ ముఖ్య నాయకులను ఢిల్లీకి రప్పించుకోని.. రహస్య చర్చలు జరపటం.. తెలంగాణ ప్రజల్లో పెద్ద చర్చగా మారిందని కొన్ని మీడియా వర్గాలు అంటున్నాయి. తెలంగాణ కు అడ్డుపడితే.. తెలంగాణ నాయకుడినైన సరే అడ్డంగా నరికేస్తాం అని తెలంగాణ ప్రజా సంఘాలు హెచ్చరిస్తున్నాయి. ఢిల్లీలో ఇన్ని రోజులు కేసిఆర్ నడిపిన రహస్య మంతనాలు తెలియాలంటే.. కొన్ని గంటలు ఆగాల్సిందే...