Posted: 03/27/2013 02:50 PM IST

రాష్ట్ర ముఖ్యమంత్రి నల్లారి కిరణ్ కుమార్ రెడ్డి తన హవాను జాతీయ స్థాయిలో చూపించాలనే ఉద్దేశంతో  కొత్త కిరణాల ప్రయోగం చేసినట్లు తెలుస్తోంది. ‘‘లేటుగా వచ్చిన.. లేటేస్టుగా మీడియాను వాడుకుంటున్న ముఖ్యమంత్రిగా పేరు తెచ్చుకున్నారు’’. మొదట్లో మీడియా మీద రుసరుసలాడిన కిరణ్ కుమార్ రెడ్డి, ఇప్పుడు  మీడియాను ఎలా వాడుకోవాలో బాగా తెలుసుకున్నట్లు సమాచారం.రాష్ట్రంలో ఏ మూలన చూసిన ముఖ్యమంత్రి కిరణాలు కనిపిస్తున్నాయి. ‘‘యువ కిరణాలు, ఎస్సీ సబ్ ప్లాన్, అనే కొత్త ప్రయోగాలతో’’ ఏ న్యూస్ పేపర్ చూసిన, ఏ టీవీ ఛానల్స్ చూసిన కిరణ్ కుమార్ రెడ్డి ప్రకటనల జోరు కనిపిస్తుంది. ఇప్పటి వరకు ముఖ్యమంత్రి కిరణ్ కుమార్ రెడ్డి గా తెలుగు మీడియాను, తెలుగు న్యూస్ పేపర్ ను మాత్రమే  ఉపయోగించిన ఆయనకు కొత్త ఆలోచన వచ్చినట్లు తెలుస్తోంది. ముఖ్యమంత్రి చేసే ప్రయోగాలు ..రాష్ట్రానికే కాకుండా .. జాతీయ స్థాయిలో  అందరికి తెలియాలనే ఉద్దేశంతో.. ఇంగ్లీస్ పేపర్ల పై ఆసక్తి పెంచుకున్నారు.  జాతీయ స్థాయిలో  ప్రకటనలు  చేస్తే  .. సోనియా గాంధీ (అమ్మ) కు  తన హవా ఏమిటో తెలుస్తోందనే  ఉద్దేశంతో   కిరణ్ కుమార్ రెడ్డి కొత్త ప్రయోగానికి తెరలేపారు.  మన రాష్ట్రంలో  ఉన్న తెలుగు పత్రికల్లో మాదిరే జాతియ స్థాయిలో ఉన్న   ఇంగ్లీస్  పత్రికలు అయిన టైమ్స్  ఆఫ్ ఇండియా,  ద హిందూ,  హిందుస్థాన్ టైమ్స్  లాంటి పత్రికల సెంటర్ స్ర్ర్పైడ్ లలో భారీగా  ముఖ్యమంత్రి కిరణ్ కుమార్ రెడ్డి  ప్రకటనల జోరు పెంచాడు.  కాంగ్రెస్ పార్టీ చేపట్టిన  ఎస్సీ, ఎస్టీ  ఉప ప్రణాళిక  గురించి ప్రచారం చేసుకోవటం ఆ పార్టీ ముఖ్య లక్షణమట.  అయితే  ఇంగ్లీస్ పత్రికలకు భారీగా ప్రకటనలు ఇస్తే .. సీఎం కిరణ్ కుమార్ రెడ్డికి  వచ్చే లాభం ఏమిటి?   ఆంగ్ల పత్రికలపై  ఆంధ్ర ముఖ్యమంత్రికి అంత మోజు ఎందుకు?  అయిన ప్రవేశపెట్టే పథకాల్లో ఫలితం ప్రజలకు అందాలి గానీ.. పత్రికలకు  ప్రకటన ఇస్తే  పథకం పవర్ ఉంటుందా?   ప్రకటనల కోసం ఖర్చు చేసే  ప్రజాధనం...  చిత్తుశుద్దితో  ప్రజలకు ఉపయోగిస్తే..  ఇక పత్రికల ప్రకటనలు ఎందుకు?...  ప్రజలే ప్రచారం చేస్తారనే విషయాన్ని కిరణ్ కుమార్ రెడ్డి ఎలా మరిచిపోయారో .. సోనియామ్మకే తెలియాలి. కాంగ్రెస్ పార్టీ ప్రచారం కోసమే  ముఖ్యమంత్రి  కిరణ్ కుమార్ రెడ్డి  ఆంగ్ల పత్రికలకు ప్రకటనలు ఇవ్వటం జరిగిందని .. కాంగ్రెస్ నాయకులు  గుసగుసలాడుకుంటున్నారు.