Posted: 03/14/2013 06:53 PM IST

తెలుగుదేశం పార్టీ అధినేత చంద్రబాబును కాంగ్రెస్ పార్టీకి మేనమామను చేశారు.  అసెంబ్లీ ఆవరణలో  మాజీ మంత్రి  జేసీ దివాకర రెడ్డి  ఆసక్తికరమైన వ్యాఖ్యలు వేశారు.  ‘‘ అమ్మ చనిపోతూనో, ఎక్కడికైనా వెళ్తూనో  పిల్లలను  జాగ్రత్తగా చూసుకొమ్మని  మేనమామ చేతిలో  పెడుతుంటారు.  ఆ పిల్లలకు  ఏ సమస్య వచ్చినా ఇక అన్నీ ఆయనే చూసుకుంటాడు.  అలాగే  ఇప్పుడు  కాంగ్రెస్ పార్టీని, ఆ పార్టీ నాయకుల్ని, చంద్రబాబు (చంద్రమామ)  చేతిలో పెట్టారు.  ఏ సమస్య వచ్చినా అన్నింటికి మా మేనమామ (చంద్రబాబు)  ఆదుకుంటాడు. ఎవరేం చేసినా ఇక మా ప్రభుత్వానికి  ఏ ఢోకా ఉండదని  జేసి దివాకర్ రెడ్డి అన్నారు.  చంద్రబాబు ఉన్నంతకాలం కాంగ్రెస్ పార్టీకి ఎలాంటి  ప్రమాదం ఉండదని  జేసి చెప్పారు. అయితే జేసి మాటల  పై  అనేక అనుమానాలు వస్తున్నాయి. జేసి అలా ఎందుకు మాట్లాడినట్లో రాజకీయ నాయకులకు అర్థం కాలేదు కానీ, కొంతమంది జేసి వ్యాఖ్యలు వెనుక వైఎస్ జగన్ హస్తం ఉందని టీఆర్ఎస్ నాయకులు అంటున్నారు.  టీఆర్ఎస్ పార్టీ , సీపీఎం, సీపిఐ, లోక్ సత్తా పార్టీలు  ప్రభుత్వం పై  అవిశ్వాసం తీర్మానం పెట్టిన విషయం తెలిసిందే. అయితే టీఆర్ఎస్ పార్టీకి టిడిపి పార్టీ మద్దతివ్వలేదు.  ప్రభుత్వ పై  అవిశ్వాసం తీర్మానం పెట్టకుండా ఉన్న టిడిపి ని టీఆర్ఎస్ పార్టీ నాయకులు తీవ్రమైన విమర్శలు చెయటం జరిగింది. కాంగ్రెస్ పార్టీ  నాయకులు కూడా  చంద్రబాబు మీద భరోసా పెట్టుకున్నట్లు సమాచారం.  ప్రభుత్వం పడిపోకుండా చేసినందుకు గాను చంద్రబాబును కాంగ్రెస్ పార్టీకి మేనమామ అని సంబోధించినట్లు తెలుస్తోంది.