Posted: 02/20/2013 05:39 PM IST

జయలలిత ఇడ్డీ పై మన రాష్ట్ర ముఖ్యమంత్రి  నల్లారి కిరణ్ కుమార్ రెడ్డి  కన్నేసినట్లు  .. సచివాలయంలో  పుకార్లు పుట్టాయి.  తమిళనాడు ముఖ్యమంత్రి   జయలలిత ఇడ్లీ పై  మన సీఎం మనసుపడినట్లు తెలుస్తోంది. అయితే  వెంటనే ఆ కోరిక తీర్చుకోవాలనే ఆశతో .. చెన్నైలో ఉన్న మన మాజీ ముఖ్యమంత్రి .. తమిళనాడు గవర్నర్   కొణిజేటి  రోశయ్య కు  ఫోన్ చేసి   తన మనసులో  కోరిక చెప్పినట్లు సమాచారం.  రోశయ్య కూడా  సానుకూలంగా స్పందించి, సీఎంకు గ్రీన్ సిగ్నల్ ఇవ్వటం జరిగిందట.  జయలలిత ఇడ్లీ కోసం కిరణ్  పడుతున్న ఆరాటం అంత ఇంత కాదని  సచివాలయంలో ఉద్యోగులు  చెవులు కొరుకుంటున్నారు.  మీరు మాత్రం మరోల అర్థం చేసుకోకండి.  తమిళనాడు ముఖ్యమంత్రి  జయలలిత. చెన్నైలో కొత్త పథకం ప్రవేశపెట్టినట్లు  సమాచారం వచ్చింది.   చెన్నైలోని  సర్కారీ   హోటళ్లు, ప్రారంభించారు.   పేదలకు  చౌక ధరకే  రుచికరమైన  ఆహారాన్ని  అందించే  పథకానికి  జయలలిత ప్రభుత్వం  శ్రీకారం చూట్టింది.   రూపాయికే ఇడ్లీ,  రూ.3 లకు పెరుగన్నం, రూ. 5లకు  సాంబార్ రైస్ ఉండే విధంగా  చెన్నై కార్పోరేషన్  ఆద్వర్యంలో  200ల క్యాంటీన్లు ఏర్పాటు  చేసినట్లు తెలుస్తోంది.   

ఈ విషయం తెలుసుకున్న  మన రాష్ట్ర ముఖ్యమంత్రి  కిరణ్ కుమార్ రెడ్డి  ఈ పథకాన్ని  మన రాష్ట్రంలో  అమలు చేయాలనే ఉద్దేశంతో  మంత్రులతో చర్చలు  జరిపినట్లు తెలుస్తోంది.  మంత్రుల సమావేశంలో..  కొత్త కొత్త విషయాలు బయటకు వచ్చాయి. మన రాష్ట్రంలో ఇడ్లీ , సాంబార్ రైస్ తినే ప్రజలు ఎక్కడున్నారు. అయిన ఇంత చౌక ధరలో వస్తుందంటే, దానిని కొనటానికి మన రాష్ట్రంలో ప్రజలు  ఎవరు ముందుకు రారు.  మనం ఈ పథకాన్ని అమలు చేస్తే .. పూర్తిగా నష్టపోతామని  ముఖ్యమంత్రికి మంత్రులు చెప్పినట్లు తెలుస్తోంది.  గతంలో ఎంజీఆర్  మద్రాస్ లో  మధ్యాహ్న భోజన పథకం పెట్టిన తరువాత .. అప్పటి ముఖ్యమంత్రి  ఎన్టీఆర్ .. మన రాష్ట్రంలో  మధ్యాహ్నా బోజన పథకం ప్రవేశ పెట్టిన విషయం గుర్తు చేశారు. అలాగే కిలో రూపాయి బియ్యం పరిస్థితి  ఏమిటి? . అలాగే ఇడ్లీ పథకం కూడా ఉంటుందని ముఖ్యమంత్రికి చెప్పటం జరిగిందట. కానీ ముఖ్యమంత్రి కిరణ్  మాత్రం జయలలిత ఇడ్లీ మీదనే  ఆలోచనలు చేస్తున్నట్లు  రాజకీయ నాయకులు చెబుతున్నారు.