Posted: 02/12/2013 07:44 PM IST

రాష్ట్రంలో  పోటాపోటీల మీద పాదయాత్రలు జరుగుతున్నాయి.  అదే స్పీడ్ తో  రాజకీయ నాయకులు  వ్యక్తిగత విమర్శలు చేసుకుంటున్నారు. తెలుగుదేశం అదినేత చంద్రబాబు నాయుడు తన ప్రచారంతో పాటు సాక్షి పత్రిక వ్యతిరేక ప్రచారం చేస్తున్నాడని వైఎస్ఆర్ కాంగ్రెస్  సీనియర్ నాయకులు అంటున్నారు ఈ మధ్యకాలంలో సాక్షిపై చంద్రబాబు ఎక్కువగా విరుచుకుపడుతున్నారు. ఇప్పుడు ఏకంగా జగన్ టీవీని చూడవద్దని, పేపర్ ను చదవవద్దని చంద్రబాబు పిలపు ఇవ్వటం పై  ఆ పార్టీ నాయకులు మండిపడుతున్నారు. సాక్షి విషకన్య అని చంద్రబాబు వ్యాఖ్యానిస్తే, దానిని షర్మిల తిప్పికొట్టారు. అయినా చంద్రబాబు తన ప్రచారాన్ని కొనసాగించి సాక్షిని బహిష్కరించాలని పిలుపు ఇవ్వటతో  జగన్  పార్టీ నాయకులు చంద్రబాబు పై మాటల యుద్దం చేశారు. జగన్ తన నేరాలను ఆ టీవీ, పేపర్‌తో కప్పి పెట్టే ప్రయత్నం చేస్తున్నారని బాబు రెచ్చిపోయాడు. చంద్రబాబు ఉపన్యాస ప్రభావమో, మరే కారణమో కాని, టిడిపి కార్యకర్తలు గుంటూరులోని సాక్షి ఆఫీస్ పై రాళ్ల దాడి  చేయటం జరిగింది. ఈ సంఘటన పై అనేక మీడియా సంఘాలు మండిపడుతున్నాయి. చంద్రబాబు మీద  వై.ఎస్.ఆర్.కాంగ్రెస్ అధికార ప్రతినిది అంబటి రాంబాబు దీనిపై చర్యలు తీసుకోవాలని, కార్యకర్తలను రెచ్చగొట్టిన చంద్రబాబును అరెస్టు చేయాలని డిమాండ్ చేసినట్లు తెలుస్తోంది.  చంద్రబాబు  రెచ్చగొట్టిన  మాటలకు  కార్యకర్తలు  రెచ్చిపోయి  సాక్షి కార్యలయం పై దాడి చేయటం  దారుణం అని  మీడియా వర్గాలు అంటున్నాయి.  ఈ సంఘటపై  చంద్రబాబు  వివరణ ఇవ్వాలని వైఎస్ ఆర్ కాంగ్రెస్  కార్యకర్తలు  డిమాండ్ చేస్తున్నారు.