Posted: 07/13/2012 06:38 PM IST

గతంలో అన్నమయ్య, రామదాసు గా ప్రస్తుతం శిరిడీసాయి బాబాగా జనాలకు భక్తిని బోధిస్తూ…ఓ స్థాయిలో ఆకట్టుకొంటూ, అందరి ఆదరాభిమానాలను సంపాదించుకొంటున్న నాగార్జున పరువును గంగలో ముంచుతోంది నరేంద్రనాథ్ చౌదరికి చెందిన ఎన్టీవీ. ఈ చానల్ ప్రస్తుతం పబ్ సంస్కృతిపై పోరాడుతోంది. తాము ప్రసారం చేస్తున్న కథనాలు కోర్టులను కదిలిస్తున్నాయని, విచారణలకు ఆదేశిస్తున్నాయని ఎన్ టీవీ చెప్పుకొస్తోంది. మొన్న బంజారాహిల్స్ రోడ్డు నంబర్ 12 లో ఒక పబ్ గుట్టును పోలీసులు రట్టు చేసినప్పటి నుంచి ఎన్ టీవీ ఈ ఖరీదైన సంస్కృతి  గురించి వరుసపెట్టి కథనాలు ప్రసారం చేస్తోంది.

తాజా గా ఈ పబ్ ల వార్తల్లో నాగార్జున పేరును ఎడాపెడా వాడేసుకొంటోంది ఎన్ టీవీ. హీరో  అక్కినేని నాగార్జున స్వయంగా పబ్ నిర్వహిస్తున్నాడని, గతంలో ‘టచ్’ అనే పబ్ నిర్వహించేవాడని, ఇప్పుడు మరో పబ్ నాగార్జున ఆధ్వర్యంలో నడుస్తోందని ఎన్టీవీ అంటోంది.  నిజానిజాలు ఎన్నున్నా నాగార్జున కు ఈ వార్తలు మింగుడుపడటం లేదు.  ఇక నాగార్జున పబ్ ల విషయం సిటీలో అందరికీ తెలిసిందేనని ఇప్పుడది రాష్ట్ర వ్యాప్తంగా ప్రచారంలోకి వచ్చిందనేది మరి కొందరి అభిప్రాయం. ఇక రాత్రి పదకొండున్నర అయితే శృంగార సీన్లను ప్రసారం చేస్తూ   తన టీఆర్ పీలను పెంచుకొనే ప్రయత్నం చేస్తున్న ఎన్ టీవీ కి ఇప్పుడిలా పబ్ ల గురించి మాట్లాడే అర్హత ఉందా? అనేది కూడా ఆలోచించాల్సిందే! మరి సినీరంగంలో గొప్ప ప్రభావం ఉన్న వ్యక్తిగా ఉన్న నాగార్జున ఎన్ టీవీ విషయంలో ఎలా వ్యవహరిస్తాడో చూడాలి!