Posted: 05/05/2012 08:26 PM IST

కోట్లాది మంది అభిమానులకు సచిన్ ఆరాధ్యుడు. అతడిని ఎంతగా అభిమానులు ప్రేమిస్తారో కొత్తగా చెప్పక్కర్లేదు. ఐతే అంతగా ఆరాధించే అభిమానులు కూడా ఇప్పుడొక విషయంలో సచిన్ తో తీవ్రంగా విభేదిస్తున్నారు. అదే అతడి కొత్త హెయిర్ స్టైల్. సచిన్ సరికొత్త హెయిర్ స్టైల్ తో దర్శనమివ్వటంతో.. అభిమానులకు ఈ కొత్త గెటప్ అంతగా నచ్చలేదట. అందుకే ట్విట్టర్, పేస్ బుక్ లలో మాకొద్దీ కొత్త హెయిర్ స్టైలంటూ తీర్మానించేశారు. అంతేకాదు.. మళ్లీ ఆ అందమైన ఉంగరాల జుట్టే కావాలంటూ ప్రచారమూ మొదలపెట్టేశారు. సచిన్ ది విశాలమైన ముఖం ఆ ముఖానికి ఉంగరాల జుట్టే సరిగ్గా నప్పుతుందని అభిమానులు అంటున్నారు. ఈ కొత్త హెయిర్ స్టైల్ తో అతడి ముఖం భారీగా కనపడుతోందని హెయిర్ నిపుణుడు తన్హి నగర్ చెబుతున్నాడు.

నిజానికి బంగ్లాదేశ్ పర్యటనకు ముందు వరకు సచిన్ ది ఉంగరాల జుట్టే. ఆ పర్యటనలోనే హెయిర్ స్టైల్ మార్చి వందో సెంచరీ పూర్తి చేశాడు. హెయిర్ స్టైల్ మార్చటం సచిన్కు కొత్తేమీ కాదు. కానీ అవన్నీ అభిమానులకు నచ్చాయి. ఈ కొత్త గెటప్ మాత్రం ఎందుకో నిరాశపరిచినట్టుంది. అందుకే అభిమానులు సచిన్ హెయిర్ స్టైల్ మాకు నచ్చలా అని చెబుతున్నారు.