Posted: 05/02/2012 02:33 PM IST

తెలంగాణ రాష్ట్రసమితి అధ్యక్షుడు కేసీఆర్ జేఏసీ ఛైర్మెన్ కోదండరామ్ మధ్య వివాదం పక్కదారి పట్టి అది కాస్త కులాల మధ్య పోరుకు తెరలేవనుందా ? ప్రస్తుత పరిస్థితులు చూస్తే అవుననే చెప్పవచ్చు. జేఏసీ ఛైర్మెన్ గా ఇప్పటివరకు రెడ్డి వర్గానికి చెందిన కోదండరామ్ ఉన్నాడు. ఆయన చెప్పినట్లుగానే చేస్తూ వస్తున్నాడన విమర్శలు ఎదుర్కొంటూ కేసీఆర్ కే అండగా ఉంటున్నాడు. కానీ ఉప ఎన్నికల తరువాత ఈ సీన్ కాస్త రివర్స్ అయింది.

ఎందుకంటే మహబూబ్ నగర్ లో బిజెపి అభ్యర్ధి శ్రీనివాసరెడ్డిని గెలిపించడంలో కోదండరామ్ కాని , ఆ జిల్లా జెఎసి ప్రముఖులు కాని వ్యూహాత్మకంగా వ్యవహరించారన్న భావం సర్వత్రా వ్యాపించింది. కెసిఆర్ సొంత నియోజకవర్గం అయిన మహబూబ్ నగర్ లో పరాజయానికి కూడా కోదండరామ్ రెడ్డి మౌనవైఖరే కారణం అన్న ఆగ్రహంతో ఉన్న కేసీఆర్ ఆయనను పదవి నుండి తప్పించాలని నిర్ణయించుకున్నట్లు ఆ పార్టీ వర్గాల సమాచారం. కోదండరామ్ పై మైనార్టీలలో కూడా అసంతృప్తి ఏర్పడింది. ఎందుకంటే వారివల్లనే మహబూబ్ నగర్ లో మైనార్టీ అభ్యర్ధి ఓడిపోయారన్న బాధ వారిలో ఉంది.

మొన్నటి వరకు కోదండరామ్ ని  నెత్తిమీద పెట్టుకొని ఊరేగిన టీఆర్ఎస్ మొన్న జరిగిన 11వ వార్షికోత్సవ సభలో ఈయన పేరే ఎత్తలేదు. పై కారణాలే దీనికి కారణమని అంటున్నారు.  తెలంగాణ పై ఆధిపత్యం కోసం వెలమ – రెడ్డి సామాజిక వర్గాల మధ్య జరుతున్న పోరుగా మేధావులు అనుకుంటున్నారు.

కోదండరామ్ రెడ్డిని ఆ పదవి నుండి తప్పించి, తన మాట వినే తమ సామాజిక వర్గానికి చెందిన వారిని నియమించుకోవాలని కేసీఆర్ భావిస్తున్నాడని సమాచారం. పాలమూరు విజయం తరువాత కోదండ రెడ్డి వర్గానికే అనుకూలంగా ఉన్నాడనే ప్రచారం కూడా జరిగింది. ఏదేమైనా ఈ వెలమ – రెడ్డి వర్గాల మధ్యపోరు కోదండరామ్ కొంప ముంచబోతున్నాయని అంటున్నారు.