Posted: 03/29/2012 06:32 PM IST

డాక్టర్ రాజేంద్రప్రసాద్ తెలుగు సినిమా నటుడు. ఎక్కువగా హాస్య చిత్ర్రాలలో కథానాయకునిగా నటించి మంచి హాస్య నటుడిగా పేరు తెచ్చుకొన్నాడు. ఆయన పండించే హాస్యం తెలుగు సినిమాను ప్రపంచస్థాయికి తీసుకెల్లింది. ఆయన నటించిన సినిమాలలో అహ నా పెల్లంట, లేడీస్ టైలర్, అప్పుల అప్పారావు, ఏప్ర్ఫిల్ 1 విడుదల, మాయలోడు మంచిపేరు తెఛ్ఛిపెట్టాయి.

అయితే పోటీ ప్రపంచంలో ఆయన ముందుకు రాలేకపోతున్నాడు. ఇటీవల కాలంలో.. టాలీవుడ్ హస్య నటులతో నిండిపోవటంతో.. ఆయనకు సినిమాలు తగ్గిపోవటం మొదలుపెట్టాయి. ఇక ఆయన తండ్రి పాత్రలకు, అన్నయ్య పాత్రలకు మాత్రమే పరిమితమైన విషయం తెలిసిందే. ఇటీవల ఆయనకు ఊపిరి పోసిన సినిమా ఆ నాలుగురు అని చెప్పుకోవచ్చు. ఆ సినిమాలో ఆయన నటనకు .. మంచిపేరు వచ్చింది. ఆ ఆనందంతో.. వడి వడిగా అడుగులే వేసిన రాజేంద్ర ప్రసాద్ కు చేతులు కాలాయి. ఆ నాలుగురు సినిమా తరువాత కొన్ని సినిమాలు చేయటం అవి విజయం సాదించకపోవటంతో మళ్లీ రాజేంద్ర ప్రసాద్ కు కష్టాలు మొదలైనాయి.

అయితే రీసెంట్ గా ఆయన కొత్త ఓనమాలు దిద్దుతున్నాడు. ఆ ఓనమాల పై అనేక కొత్త ఆశలు పెట్టుకున్నట్లు తెలుస్తుంది. రాజేంద్రప్రసాద్ తో కళ్యాణి కలిసి జంటగా ఓనమాలు దిద్దుతున్నట్లు ఫిలింనగర్ టాక్. వీరు దిద్దే ఓనమాలు ప్రజలకు ఉపయోగపడాలని ఆ సినిమా దర్శకులు కొరుకుంటున్నారు.

అఆ...లకు అర్థాలు మారిపోయి అ అంటే అమలాపురం అని పాడుకుంటున్న ఈ రోజుల్లో అ... అంటే అనుబంధం అని...ఆ అంటే ఆత్మీయత అని గుర్తు చేయనున్న చిత్రం ఓనమాలు.సంస్కృతి ఆనవాలుని, మన మూలాలని, పెద్దలు నేర్పిన ఓనమాలని గుర్తుచేసే చిత్రం ఇది. 

చెట్టు ఎంత ఎదిగినా దాని వేర్లు ఉండేది మట్టిలోనే అని చెప్పే ఓ మాస్టారి జ్ఞాపకాల పరవళ్లు ఈ చిత్రం.. అంటున్నారు దర్శక నిర్మాత క్రాంతిమాధవ్. డా.రాజేంద్రప్రసాద్, కల్యాణి ప్రధాన పాత్రల్లో సన్‌షైన్ పతాకంపై రూపొందిన ఈ చిత్రం ప్రస్తుతం నిర్మాణానంతర కార్యక్రమాల్లో నిమగ్నమై ఉంది.