Posted: 01/21/2012 12:13 PM IST

స్వాతంత్య్రం రాకముందు దేశం అగ్నిశిఖలా ఉండేది. మహాత్మాగాంధీ లాంటి వాళ్లు అహింస అనే ఆయుధంతో, భగత్‌సింగ్, సుభాష్‌చంద్రబోస్ లాంటి వాళ్లు హింస అనే ఆయుధంతో ఆ అగ్నిని చల్లార్చడానికి ప్రయత్నించారు. ఎట్టకేలకు స్వతంత్రం వచ్చింది. ఆ అగ్ని కూడా చల్లారిందని అందరూ భావించారు. కానీ అది పూర్తిగా చల్లారలేదు. అవినీతి రూపంలో ఇంకా మిణుకు మిణుకు మంటూనే ఉంది. దానిని పూర్తిగా చల్లార్చడం ఎలా? ఆ శక్తి ఎవరికుంది? అనే ప్రశ్నలకు సమాధానంగా త్వరలోనే ఓ చిత్రాన్ని తెరకెక్కించనున్నాను అంటున్నారు రెబల్‌స్టార్ కృష్ణంరాజు.
‘‘రెబల్‌స్టార్ కృష్ణంరాజు నటించిన చిత్రాల్లో కథ పరంగా ‘మన ఊరి పాండవులు’ అంటే ఆయనకు కిష్టమాట. ఆ చిత్రాన్ని మించే స్థాయిలో కథను తయారు చేసుకుంటున్నానట. దర్శకుడిగా రెబల్‌స్టార్ కృష్ణంరాజు. తొలి అడుగు కావడంతో ప్రతిష్టాత్మకంగా చిత్రాన్ని రూపొందించనున్నట్లు తెలుస్తుంది’’ .‘‘రాజకీయంగా రెండేళ్లు ఆయనకు ఆయనే శిక్ష విధించుకున్నానరట. ఆ శిక్షాకాలం పూర్తయిందని . ఇప్పుడు పొలిటికల్‌గా కూడా ముందుకెళ్లబోతున్నాడని తన మిత్రులతో చెబుతున్నాడట.
రెబల్‌స్టార్ కృష్ణంరాజు ఇంక ఏ పార్టీలో చేరేదీ త్వరలో చెబుతాడట. డబ్బింగ్ సినిమాలపై కొందరు తెలుగు నిర్మాతల ఆయన కోపం చూపుతున్నాడు. ‘‘అజీర్తి ఉన్నోడికి తినేవాడ్ని చూస్తే ఏడుపు. ముందు అజీర్తికి మందు తీసుకుంటే ఈ బాధలుండవ్ కదా అని వారి ఝలక్ ఇస్తున్నాడు. తమిళనాడులో సినిమాలపై వ్యాట్ లేదు. సినీపరిశ్రమ అభివృద్ధికి అక్కడి ప్రభుత్వం ఎన్నో విధానాలు ప్రవేశపెట్టిందని . ఇక్కడి ప్రముఖులందరూ సమష్టిగా కృషి చేసి, మన ప్రభుత్వం ద్వారా అవన్నీ సాధించుకోవడానికి ప్రయత్నం చేయాలని ఆయన అందర్ని కోరుకుంటున్నాడట. కానీ, పరాయి సినిమాలపై ఏడుపు ఎందుకు? అది సరైన పద్ధతి కాదని ’’ రెబల్‌స్టార్ కృష్ణంరాజు ఘాటుగా స్పందించారట.
‘బొబ్బిలి బ్రహ్మన్న’ సీక్వెల్ చేయాలని, అదీ కూడా ప్రభాస్‌తో ‘భక్తకన్నప్ప’ చేయాలని రెబల్‌స్టార్ కృష్ణంరాజు చెబుతున్నారట. అన్నీ మా గోపీకృష్ణ బేనర్‌లోనే చేస్తాం’’ అని చెబుతున్నారు . ప్రస్తుతం ‘రెబల్’ చిత్రంలో నటిస్తున్నానని, అందులో ప్రభాస్‌కి తండ్రి పాత్రను పోషిస్తున్నానని, చాలా శక్తివంతంగా ఆ పాత్ర ఉంటుందని కృష్ణంరాజు చెబుతున్నారు. అయితే 2012 లో రెబల్‌స్టార్ కృష్ణంరాజు కూడా కొత్త అవతారం ఎత్తుతున్నాడని ఫిలింనగర్ ప్రముఖులు అంటున్నారు.