విక్ర‌మ్ ‘కోబ్రా’ విడుద‌ల వాయిదా ప‌డ‌నుందా?

Posted: 07/21/2022 12:01 PM IST

Chiyaan vikram s science fiction thriller cobra delayed again

చియాన్ విక్ర‌మ్ తెలుగు ప్రేక్ష‌కుల‌కు పరిచ‌యం అక్క‌ర్లేని పేరు. ‘శివ‌పుత్రుడు’, ‘అప‌రిచితుడు’, ‘ఐ’ వంటి సినిమాల‌తో ఇక్క‌డ‌ విప‌రీత‌మైన అభిమానాన్ని సంపాదించుకున్నాడు. తెలుగులో విక్ర‌మ్‌కు టాలీవుడ్ హీరోల‌కున్నంత క్రేజ్ ఉంది. అయితే గ‌త కొంత కాలంగా ఈయ‌న న‌టించిన సినిమాలు బాక్సాఫీస్ ద‌గ్గ‌ర అంత‌గా రాణించ‌డం లేదు. ఈ క్ర‌మంలో కొడుకు ధృవ్‌తో క‌లిసి ‘మ‌హాన్’ చిత్రంలో న‌టించాడు. ఫిబ్ర‌వ‌రిలో నేరుగా అమెజాన్‌లో విడుద‌లైన ఈ చిత్రం మంచి వ్యూవ‌ర్ షిప్‌ను సాధించింది.

అయితే ఈ చిత్రం ఓటీటీలో విడుద‌ల‌వ‌డంతో అభిమానులు తీవ్రంగా నిరాశ‌ప‌డ్డారు. ఈ క్ర‌మంలో ఫ్యాన్స్‌ను ఖుషి చేసేందుకు విక్ర‌మ్ ‘కోబ్రా’తో ప్రేక్ష‌కులు ముందుకు రాబోతున్నాడు. ఇప్ప‌టికే చిత్రం నుండి విడుద‌లైన ప్రచార చిత్రాలు, టీజ‌ర్‌ సినిమాపై భారీ అంచ‌నాల‌ను పెంచేశాయి. ఇక‌ ఈ చిత్రాన్ని ఆగ‌స్టు 11న విడుద‌ల చేయ‌నున్న‌ట్లు మేక‌ర్స్ ఇదివ‌ర‌కే ప్ర‌క‌టించారు. అయితే తాజాగా ఈ సినిమా విడుద‌ల వాయిదా ప‌డ‌నుంద‌ని స‌మాచారం. కోబ్రా సినిమాకు సంబంధించిన సీజి వ‌ర్క్ ఇంకా కంప్లీట్ కాలేద‌ట‌.

దాంతో మేకర్స్ సినిమాను పోస్ట్ పోన్ చేయాల‌ని భావిస్తున్నారట‌. త్వ‌ర‌లోనే దీనిపై అధికారిక ప్ర‌క‌ట‌న రానుంది. స్పై యాక్ష‌న్ థ్రిల్ల‌ర్‌గా తెర‌కెక్కిన ఈ చిత్రంలో కేజీఎఫ్ భామ శ్రీనిధి శెట్టి హీరోయిన్‌గా న‌టించింది. ఏ.ఆర్ రెహ‌మాన్ సంగీత సారథ్యంలో తెర‌కెక్కిన ఈ చిత్రాన్ని సెవెన్ స్క్రీన్ స్డూడియోస్ ప‌తాకంపై ఎస్‌.ఎస్‌. ల‌లిత్ కుమార్ అత్యంత ప్ర‌తిష్ఠాత్మకంగా నిర్మించాడు. ప్ర‌ముఖ క్రికెటర్ ఇర్ఫాన్ ఖాన్ ఈ చిత్రంలో ప్ర‌తి నాయ‌కుడి పాత్ర‌లో న‌టించాడు.