విరాటపర్వం చిత్రబృందం నుంచి సాయిపల్లవికి స్పెషల్ వీడియో.!

Posted: 05/09/2022 07:48 PM IST

Virata parvam film unit special video on sai pallavi birthday

టాలీవుడ్ డాన్సింగ్ క్వీన్ సాయి పల్లవి. తన నటనతో... డాన్సింగ్‌తో సినీ ప్రేక్షకుల మనసు గెలుచుకుంది. 2017లో శేఖర్ కమ్ముల దర్శకత్వంలో వచ్చిన ‘ఫిదా’ చిత్రంతో తెలుగు ఇండస్ట్రీలో అడుగుపెట్టిన అమె.. భానుమతి పాత్రలో, తెలంగాణా యాసలో డైలాగులు పలికి.. తెలుగు వెండి తెరపై సింగిల్ ఫీస్ గా నిలిచింది. తెలుగుదనం ఉట్టిపడేలా కనిపించే సాయి పల్లవి... నటనలో తనకంటే ప్రత్యేక గుర్తింపు తెచ్చుకుంది. ఇవాళ సాయి పల్లవి పుట్టినరోజును పురస్కరించుకుని.. విడుదలకు సిద్దంగా వున్న అమె నటించిన విరాటపర్వం చిత్రబృందం అమెకు స్పెషల్ వీడియోతో శుభాకాంక్షలు చెప్పింది. సోల్ ఆఫ్ వెన్నెల పేరుతో... విడుదలైన ఈ వీడియో సోషల్ మీడియాలో వైరల్ గా మారింది.

వెన్నల రెండు సార్లు పుట్టింది. తొలి పొద్దులో ఇప్పపూలు పూసినట్లు.. అడవిలో ఒకసారి. ఆశయాన్ని ఆయుధం చేసినట్లు అతని ప్రేమలో మరోసారి, అంటూ.. సాగే ఈ వీడియో ఎంతో అట్రాక్టివ్‌గా ఉంది. ఈ వీడియోలో సాయి పల్లవి మరింత నేచురల్‌గా కనిపించింది. నిర్బంధాలు కౌగిలించుకున్న వసంతకాలం మనదే.. రేపు మనం ఉన్నా లేకున్నాచరిత్ర ఉంటుంది. మన ప్రేమకందరికీ వినిపిస్తోంది’ అన్న డైలాగ్స్ తో ఈ సోల్ ఆఫ్ వెన్నెల వీడియో ముగుస్తుంది. ఇక ఈ వీడియో చూసిన సాయి పల్లవి ఫ్యాన్స్ కూడా ఆమెకు శుభాకాంక్షలు తెలుపుతున్నారు. వీడియో అద్భుతంగా ఉందంటూ కామెంట్స్ చేస్తున్నారు. మరెందుకు ఆలస్యం మీరూ ఈ వీడియో చూడండీ..