ఆర్ఆర్ఆర్ నుంచి ‘కొమ్మా ఉయ్యాల కోన జంపాల..’ వీడియో సాంగ్

Posted: 04/16/2022 07:11 PM IST

మెగాపవర్ స్టార్ రామ్‌చరణ్‌, యంగ్ టైగర్ జూనియర్‌ ఎన్టీఆర్‌ ప్రధాన పాత్రల్లో నటించిన చిత్రం ఆర్‌ఆర్‌ఆర్‌. బాహుబలి సిరిసీ్ చిత్రాల తరువాత రాజమౌళి అంటే పాన్ ఇండియా దర్శకుడిగా మారిపోవడంతో ఆయన నుంచి వచ్చిన తదుపరి చిత్రం ఆర్ఆర్ఆర్ కూడా దేశం సరిహద్దులు దాటి మరీ సవ్వడి చేసి.. బాక్సాఫీసు రికార్డులను కొల్లగొట్టింది. దీంతో ప్రభాస్ తరువాత రాంచరన్, తారక్ లు కూడా పాన్ ఇండియా స్టార్లుగానే వెలుతొందుతున్నారు. ఇక చిత్రం విజయోత్సవ వేడుకలలో రెండో బాగంపై కూడా ప్రశ్నలు తెరపైకి వచ్చాయి.

ఈ సందర్భంగా చిత్ర కథారచయిత విజయేంద్రప్రసాద్ (రాజమౌళి తండ్రి) చిత్రానికి రెండో బాగం కూడా ఉంటుందని చెప్పారు. దీంతో రెండో బాగం ఎప్పుడు మొదలవుతుంది అన్న ప్రశ్నలు కూడా తెరపైకి వచ్చాయి. ఈ క్రమంలో ఆర్ఆర్ఆర్ చిత్రంలోని తెల్లదొరసాని ఓ చిన్నారిని ఎత్తుకుపోవడంతో కథ మొదలవుతుంది. అందమైన గొంతుతో అందరినీ హత్తుకునేలా పాట పాడుతూ బ్రిటీష్‌ దొరసాని చేతికి డిజైన్‌ వేస్తుంటుంది మల్లి. ఆమె టాలెంట్‌కు మంత్రముగ్ధురాలైన ఆమె తిరిగి కోటకు వెళ్లేటప్పుడు మల్లిని అన్యాయంగా లాక్కుని పోవడంతో సినిమా ప్రారంభమవుతుంది.

ఈ సినిమాలో మల్లి పాడే కొమ్మా ఉయ్యాల.. కోన జంపాల.. పాట సూపర్‌ హిట్టయ్యింది. ఈ మల్లిని బ్రిటీష్ దొరల నుంచి విముక్తురాలిని చేసి తిరిగి తన తల్లి వద్దకు చేర్చే పనిలో బాగంగానే తారక్ (భీమ్) ఢిల్లీకి చేరుకుంటాడు. తాజాగా ఆర్‌ఆర్‌ఆర్‌ యూనిట్‌ 'కొమ్మా ఉయ్యాల' ఫుల్‌ వీడియో సాంగ్‌ రిలీజ్‌ చేసింది. ఇందులో మల్లిని ఎత్తుకుపోయే దగ్గర నుంచి ఆమె బందీ అయిన క్షణాలు, ఎన్టీఆర్‌ ఆమెను భుజానెక్కించుకుని తిరిగిన సందర్భాలను చూపించారు. ఎమ్‌ఎమ్‌ కీరవాణి సంగీతం అందించిన ఈ పాటను చిన్నారి ప్రకృతి రెడ్డి అద్భుతంగా ఆలపించింది.