అంచనాలు పెంచుతున్న బాలయ్య ‘రూలర్’ టీజర్.!

Posted: 11/21/2019 07:59 PM IST

Ruler teaser powerful balakrishna dons multiple avatars in this intense action drama

నందమూరి బాలకృష్ణ అభిమానులు ఎంతో ఆసక్తిగా ఎదురుచూస్తున్న ‘రూలర్’ టీజర్ రానే వచ్చింది. అభిమానుల అంచనాలకు తగ్గట్టుగా ప్రముఖ దర్శకుడు కేఎస్‌ రవికుమార్‌ చిత్రంలో మాస్ డైలాగులు జోడించారు. బాలయ్య ఫ్యాన్స్ కోరుకునేట్టుగా ఫైట్స్ ను కూడా పెట్టారు. పోలీసు దుస్తుల్లో మెరిసిపోతున్న బాలయ్య.. గడ్డంతో కాసింత రఫ్ లుక్ లో కనిపించడం కూడా ఢిఫరెంట్ వేరియేషన్ ను ప్రదర్శింపజేస్తుంది.

సోనాల్‌ చౌహాన్‌, వేదిక కథానాయికలుగా నటిస్తున్న ఈ సినిమా టీజర్‌ను గురువారం ఈ చిత్ర బృందం విడుదల చేసింది. టెక్నికల్ సమస్యల కారణంగా ఇదివరకే విడుదల కావాల్సిన టీజర్ వాయిదా పడి ఇవాళ రిలీజ్ అయ్యింది. ఇప్పటివరకూ ‘రూలర్‌’ చిత్రానికి సంబంధించి విడుదల చేసిన బాలకృష్ణ స్టైలిష్‌, మాస్ లుక్ లు సినిమాపై అంచనాలను పెంచగా, టీజర్‌ మరింత ఆసక్తికరంగా సాగింది. ఈ సినిమాకు చిరంతన్‌ భట్‌ సంగీతం అందిస్తున్నారు.

‘ఒంటి మీద ఖాకీ యూనిఫాం ఉంటేనే బోనులో పెట్టిన సింహంలా ఉంటాను. యూనిఫాం తీశానా.. బయటకు వచ్చిన సింహంలా ఆగను.. ఇక వేటే..’ అంటూ బాలకృష్ణ పలికిన డైలాగ్‌ ఫ్యాన్స్‌ను ఆకట్టుకుంటుంది. ఇప్పటికే దాదాపు చిత్రీకరణ పూర్తి చేసుకున్న‘రూలర్‌’ క్రిస్మస్‌ కానుకగా డిసెంబర్‌ 20న ప్రేక్షకుల ముందుకు రానుంది. సి.కె.ఎంటర్‌టైన్‌మెంట్స్‌ సమర్పణలో హ్యాపీ మూవీస్‌ బ్యానర్‌పై సి.కల్యాణ్‌ నిర్మిస్తున్నారు. ఈ చిత్రంలో ప్రకాశ్‌రాజ్, జయసుధ, భూమిక ప్రధాన పాత్రలు పోషిస్తున్నారు.