రాజావారి యోగం.. కార్తికేయ ‘90 ఎంఎల్’ టీజర్

Posted: 11/21/2019 08:50 PM IST

Kartikeya in 90ml trailer plays a man who has to drink alcohol to survice

‘కొందరికి మందు తాగడం సరదా. మరికొందరికి వ్యసనం. కానీ, ఈ పార్వతీపురం దేవదాసుకి మాత్రం అది అవసరం’ అని అంటున్నారు నటుడు కార్తికేయ. ఆయన కథానాయకుడిగా తెరకెక్కిన చిత్రం ‘90ఎంఎల్‌’. నేహా సోలంకి కథానాయిక. శేఖర్‌ రెడ్డి ఎర్రా దర్శకత్వం వహించారు. గురువారం ఈ సినిమా ట్రైలర్ ను చిత్రబృందం సోషల్ మీడియా వేదికగా విడుదల చేసింది. ‘నీతో కలిసి చచ్చేంత ప్రేమ నాలో ఉంది. నాతో కలిసి బతకాలనే ఆలోచనే నీలో లేదు’ అని నేహా చెప్పే డైలాగ్‌తో ఈ ట్రైలర్‌ ప్రారంభమవుతోంది.

ట్రైలర్ లోని సన్నివేశాలను బట్టి చూస్తుంటే ఆరోగ్య పరిస్థితుల రీత్యా కార్తీకేయ చిన్నప్పటి నుంచి మద్యం తాగడం అవసరంగా మారుతుంది. కనుక ప్రతిరోజూ ‘90 ఎంఎల్‌’ మద్యం తాగుతుంటాడు. మద్యం తాగేవారంటే ఇష్టంలేని నేహా ఈ విషయం తెలిసి ‘ఒక్కరోజు మందు తాగకపోతే చచ్చిపోతావా’ అని ప్రశ్నించగా.. ‘అవును.. చచ్చిపోతాను’ అని కార్తికేయ చెబుతాడు. ఎంతో ఆసక్తికరంగా ఉన్న ఈ ట్రైలర్‌ ప్రేక్షకులను ఆకట్టుకుంటోంది. డిసెంబర్‌ 5న ఈ సినిమా ప్రేక్షకుల ముందుకు రానుంది.