మీడియా మీట్ లో ఫోన్ మోగితే.. అక్షయ్ ఆన్ లైన్..

Posted: 08/14/2019 11:37 AM IST

బాలీవుడ్‌ నటుడు అక్షయ్‌ కుమార్ కు సమయస్ఫూర్తి ఎక్కువని.. దాంతో పాటుగా హాస్య చతురత కూడా అదికమన్న విషయం తెలిసిందే. ఇలాంటి హాస్యానికి వెళ్లిన ఆయన తన సహచరి సోనాక్షి చేతిలో పరాభవానికి కూడా గురైన విషయం తెలిసిందే. ఈ ఘటన ఆయన తాజాగా నటించిన ‘మిషన్‌ మంగళ్‌’ చిత్రం ప్రమోషన్లలో చోటుచేసుకోవడంతో.. ఆ వార్త కాస్తా వైరల్ అయ్యింది. ఆయన పడిపోయిన వీడియో సోషల్ మీడియాలో చక్కర్లు కోట్టింది.

అయితే వాటన్నింటినీ పెద్దగా పట్టించుకోని అక్షయ్ తన చిత్ర ప్రమోషన్ పనిలో భాగంగా బిజీగా దేశంలోని ముఖ్యనగరాల్లో పర్యటిస్తూ మీడియా సమావేశంలో పాల్గోంటున్నారు. ఈ సందర్భంగా మంగళవారం ప్రెస్‌ మీట్‌ పెట్టారు. ఇందులో భాగంగా ఓ పాత్రికేయుడు స్టేజ్‌ మీద ఉన్నవారి మాటలను రికార్డ్‌ చేయాలని ఫోన్‌ను వారి ముందు పెట్టాడు. దాన్ని సైలెంట్‌లో పెట్టడం మర్చిపోయాడు. సినిమాలో ప్రధాన పాత్ర పోషించిన కీర్తి కుల్హరీ మాట్లాడుతుండగా అది ఒక్కసారిగా మోగింది.

వెంటనే అక్షయ్‌ కుమార్‌ ఫోన్ తీసుకుని ‘హలో..మేం విలేకరులు సమావేశంలో ఉన్నాం. నేను అక్షయ్‌ను మాట్లాడుతున్నాను. ఇది పూర్తయ్యాక నేను ఫోన్‌ చేస్తాను’ అని మాట్లాడి ఫోన్‌ కట్‌ చేశారు. అక్షయ్‌ చేసిన పనికి అక్కడున్న వారందరూ కాసేపు ఆశ్చర్యపోయి తర్వాత నవ్వుకున్నారు. ప్రస్తుతం దీనికి సంబంధించిన వీడియో విపరీతంగా వైరల్‌ అవుతోంది. నెటిజన్లు అక్షయ్‌పై ప్రశంసల వర్షం కురిపిస్తున్నారు. అందుకే ఆయన సూపర్‌స్టార్‌ అయ్యారంటూ కామెంట్లు పెడుతున్నారు. కాగా, అక్షయ్‌ కుమార్‌ నటించిన ‘మిషన్‌ మంగళ్‌’ ఈ నెల 15న విడుదలకు సిద్ధమైంది. ఈ చిత్రంలో సోనాక్షి సిన్హా, కీర్తి కుల్హరీ, నిత్యా మేనన్‌, తాప్సీ కీలక పాత్రలు పోషించారు.

 

 

 

View this post on Instagram

Lot of us use our phones to record interviews but this particular reporter forgot to silent her phone. Guess what happens #AkshayKumar picks up the call and answers back #viralbhayani @viralbhayani

A post shared by Viral Bhayani (@viralbhayani) on Aug 13, 2019 at 4:56am PDT